Bohol, Thanksgiving and more

MNNAOTW mga Ka Tribung BisChikadora!! Sa dili pa ang tanan, congratulations sa malampuson kaayo nga Press Freedom Week! Salamat kaayo Lord nga bisan busy kaayo ko naa pako'y higayon nga motambung sa mga activities nga gipahigayon. Nindot usab ang feeling nga magkita mo sa imong kanhi kauban nga naa na sa laing network sama ni Dennis Tanoc sa TV 5, Carine Asutilla sa TV Patrol Central Visayas sa ABS-CBN, naa na sa pamantalaan (Jessa Agua of CDN), nagpabiling lig-on nga Reynan Villena sa The Freeman, Tara Jane Minoza nga naa sa Sugbo TV, mga kauban nako sa Entertainment TV nga mga banggiitan na nga mga reporters sama ni Mark Anthony Bautista ug Gregy Magdadaro nga nay na crush niya? Kinsa siya? Hugyaw ang saktong pulong sa na crush niya, hahahhahaha! tungod sa Press Freedom murag nahimo na kini namong The Reunion (kay bisan panagsa mag-volt in mi), dili mahurot ang mga pangumustahay. Pagkahuman mo flashback dayon nako ang mga kagahapon sa nagsugod pami sa among programa sa GMA 7 Cebu. Ang mga kalisod pero makalingaw nga mga kasinatian. Bisan paman nga nilabay na ang mga adlaw, buwan ug tuig pero nagpabilin gihapon sa among mga kasingkasing ang naporma nga panaghigalaay. Tuod man, we are competing sa among mga programa apan pag pack-up, lights off ug day off, kami lang gihapon ang mga kanhi nagkauban sa usa ka programa. Cebu Press Freedom rocks!

Pero rock kung rock gyud ang wala'y hunong nga mga activities sa inyong Yur's truly nga kauban si Shofaholic "Angel", (atangi unya ang among gihimong feeding kauban ang Kapuso Foundation didto sa Lungsod sa Santander). Oh yes, layo kaayo siya pero wala kini panumbalinga sa among grupo para makahatag kung unsa man ang naa namo, mao ni siya ang " love of an angel." Tungod sa Love ni Shofaholic Angel makaingon ko nga it's a small world after all kay kinsa man ang magtuo nga ang pag-umangkon ni Angel nga si Mary Gladys Gacasan nga nakapasar sa nursing board exam kay BFF ni Sanden Anadia? Ang ending namong duha ni Sanden kay dungan mi nag eat and run sa thanksgiving party ni Gladys kay para mo attend sa fellowship party sa Press Freedom unya pagkahuman sa maong fellowship party nibalik mi sa thanks giving party ni Gladys. Hugyaw ang akong naabtan kay mga gwapo ang mga friendship ni Sanden kauban ang mga amiga usab ni Gladys. Pero wala naman ko'y powers para mag videoke, niuli ko sa akong boarding house para mo gotch (tulog) na! Pagkasunod adlaw, makalingaw nalang nga istorya ang akoa. Mao ang bag-ong hagit ni Shofaholic karun sa iyang pag-umangkon kay ang pag -atubang sa bag-ong chapter sa iyang kinabuhi, ang pagpangita og trabaho para makatabang sa iyang pamilya. Congratulations to Mary Gladys Gacasan and give me your hands Shofaholic Angel for the job well done. Sanden, naa ko'y typing class sa imong amigo kato bitaw taason nga daot, gwapo, humot, naka maong pants then black shirt, kinsa to siya? Waaaaaaa!!!!

Sa makausa pa, salamat usab sa mga sano ug sana nato diha sa Bohol para sa malampuson namo nga Kapuso Mall Show diha sa Island City Mall sa miaging semana. Kauban ang mga singers sa Party Pilipinas, gisugdan kini namo og mga paduwa ug nahugyaw gyud sila sa among Buena Mano Balita game kung diin mosayaw sila sa bag-ong dance craze (unsaon?) ang Goodmorning Butanding Dance ni Yuri…tigiay ang pito ka mga contestant. Pagkahuman kay ang Balitang Bisdak game nga dunay pito usab ka mga contestants nga nag- ala reporter. Ug sa unang higayon kay nagkuyog mi sa akong partner sa BMB para mag-host si partner Ching Pelayo- Dacua nga bag-ohay lang nag-birthday. Gisunod dayon namo ang mga performance sa atong mga Kapuso Stars, unang ni-perform kay ang sa usa sa mga best female singers sa atong nasod karun ang RNB Princess .. Kyla! Murag dalaga lang gihapon ang akong tan-aw ni Kyla, pero maka-inlove ang iyang mga kanta, pagkahuman kay ang Asia's Queen of Soul …Jaya! Nalingaw gyud kaayo ang mga boholano sa mga pasiaw ni Jaya. Abi nako og nahuman na siya sa iyang performance pero naa siya'y mugna, ang pagkuha sa audience nga puwede mosabay niya og kanta. Si sisterette ang nisaka sa stage pero infairness, nag-ala Regine (Velasquez) pud kini mao nga makabungog ang singgit sa mga nisaksi sa maong show.

Sa pagtapos sa Press Freedom Week mga Ka Tribung BisChikadora tugoti ko ninyo magpasalamat sa nahimo nakong mentor sa BisChika… Bisayang Chika ni Yuri walay lain, si Ryan Mark Borinaga. Salamat kaayo sa imong paghatag nako og higayon nga mahimong tipik sa Banat Hugyaw!

Hangtud sa sunod napud nga panag-uban mga Ka Tribung BisChikadora! Ayaw usab kalimti karung 8:30 sa buntag ang Let's Fiesta hosted by John Feir. Atong saksihan ang mabulukong Tuna Festival sa General Santos City!