Maroon 5 mobalik sa Pilipinas

CEBU, Philippines - Gipaneguro sa American pop-rock band nga Maroon 5 nga mobalik puhon sa Pilipinas. Kini human gibahaan pag-ayo sa mga tawo ang concert nila sa Araneta Coliseum niadtong Martes sa gabii. Gikatahong moabot ngadto sa 15,000 ka mga tawo ang misaksi sa nahisgutang concert. Nasigpatan ang pipila ka local celebrities ug mga politiko nga misaksi sa maong konsyerto. Gikanta sa maong banda ang ilang mga hit songs sama sa "Payphone" "This Love," "Mystery," Moves Like Jagger ug ang ilang bag-ong single nga "Daylight". Ang Maroon 5 gilangkoban nila ni Adam Levine, Jesse Carmichael, Mickey Madden, James Valentine ug Matt Flynn. Nasayran nga nagpabilin gihapon nga sikat sa Youtube ug sa mga radio stations sa Amerika ang awit sa Maroon 5 nga Out of Goodbyes kung diin nakauban nila sa maong awit ang sikat naa kaayo nga Lady Antebellum.

Bianca: Lingaw ang single

Nakaingon ang beauty queen nga si Bianca Manalo nga nalingaw siya sa iyang kinabuhi isip single gumikan kay dako na siya og oras alang sa iyang pamilya ug mga higala. Aminado si Bianca nga wala gihapon sila nagtingog hagtud karon sa iyang ex-boyfriend nga si John Pratts. Nalipay siya pag-ayo gumikan kay nakaamgo na siya nga nindot ang iyang gibati karon nga wala na’y permi nga mo-monitor kaniya sa iyang mga buhaton. “Ngayon ko siya naa-appreciate, ‘yung pagiging single ko na nag-spend lang ako ng time with family and friends. Iba pala ‘yung wala kang kailangang paalamanan, na at the back of your mind na magre-report ka. Ang saya lang na nagagawa ko lahat on my own,” suma pa ni Bianca sa programang Kris TV kagahapon. Suma pa ni Bianca nga nakaponting karon ang iyang atensyon sa iyang showbiz career busa wala siya magdali nga makabaton og uyab.