CEBU, Philippines - Lima na ka mga Miss Press Freedom titles ang gihuptan sa The Freeman/Banat News human ang pambato niini maoy midaog niadtong Sabado sa gabii diha sa Highlight’s Bar sa Harolds Hotel.
Ang pambato sa Cebu Daily News (CDN) maoy napiling Mr. Press Freedom.
Ang 21 anyos ug business reporter sa The Freeman nga si Grace Melanie Lacamiento maoy napili nga Miss Press Freedom karong tuiga kinsa miangkon nga una kini nga higayon nga miapil siya og indigay sa kaanyag.
“I felt inexplicably happy and overwhelmed with such victory. I had much pressure considering I was bringing the name of Cebu’s longest running newspaper but the love and support showed by my family,friends, office mates, and co-media practitioners from various media outfits inspired me to be on top,” matud pa ni Grace.
Tsika pa ni Grace nga wala siya magdahom nga maangkon ang maong titulo gumikan kay puros gyud lig-on ang ubang mga kandidata.
“Although I was motivated to strive hard and show my best, I did not expect to win the crown since my co-candidates were competent as well so we all deserved to win. I hope I made my Freeman family happy and proud of me,” dugang pa ni Grace kinsa nakaangkon og 91% nga kinatibuk-ang score.
Ang mga kandidata nakadawat og mga pangutana nga hinimo sa nagkadaiyang news personalities gikan sa kaulohan nga nagikan sa ABS-CBN, GMA-7 ug TV 5.
Si Grace nakadawat og pangutana gikan sa ANC host nga sa Ginger Conejero kinsa nangutana kalabot sa iyang baruganan sa Freedom of Information Act.
Gipadayag ni Grace nga dakong bentaha ang maong balaudnon gumikan kay gikinahanglan gyud nga mopatigbabaw ang atong katungod sa pagsaysay sa atong opinion ug pagpakatap sa mga balita.
Samtang ang lifestyle photographer sa Cebu Daily News nga si Ed Buenaviaje maoy napili nga Mr. Press Freedom kinsa nagtangag sa score nga 86.6.
“The experience was very exciting and fun at the same time .The preparation was so grand. The questions were very thought proving and I never thought I could win,” matud pa ni Ed.
Gitubag ni Ed ang pangutana gikan sa ABS-CBN anchor nga si Karen Davila nga nagkanayon, “If you were asked by the President for advice on how to solve the problem in the West Philippine Sea, what would you suggest?”
Ug dali kini nga gitubag ni Edd nga nagkanayon,“Diplomatic negotiation. We can talk, and promote peace at the same time”.
Karong tuiga , mga lig-on ang mga hosts nga gilangkoban sa bugtong Pinay nga napiling Miss Earth Karla Henry ug Cebu multimedia personality Jude Bacalso.
Ang pageant criteria naglangkob intelligence (50%), beauty (30%), ug poise and projection (20 %).
Napili usab nga Ms. Press Freedom First runner-up mao ang Cebu Daily News correspondent nga si Carmel Lois Matus ug ang TV5 junior correspondent nga si Katreena Bisnar nga mipresenta sa Kapisanan ng mga Brodkaster sa Pilipinas-Cebu chapter (KBP) maoy 2nd runner-up ug ang Sun.Star sports reporter nga si Cheska Geli maoy napili nga 3rd runner-up.
Samtang ang police reporter sa Sun Star Daily nga si Davinci Maru maoy Mr. Press Freedom first-runner-up. Duha lang ang nagtigi sa maong kategoriya.
Mga banggiitan usab ang mga hurado nga sila si Bee Urgello (Queen of Cebu 2011), Mark Shandar (accessory and shoe designer), Ann Marie Tan, (GMA-7 Cebu station manager), Rachel Niñal (Harolds Hotel Marketing and Communications officer) ug Vikki Sambilay ( representante sa Sun Cellular).
Nahugyaw usab ang mga tawo sa bongga nga song numbers sa La Diva nga gilangkoban nila ni Junalyn Viray, Aicelle Santos ug Maricris Garcia. Nahugyaw ang mga tawo sa dihang giawit nila atol sa opening number ang sikat nga awit ni Beyonce nga Love on Top.
Wala usab kalimti sa La Diva ang awit nga Angels Brought Me Here kung diin mao kini ang ilang gidalit sa wala pa gianunsyo ang mga mananaug.
Mitikang usab sa maong indigay ang mga bitoon sa bag-ong serye sa GMA-7 nga Sana ay Ikaw na Nga nga sila si Mikael Daez ug Andrea Torres.
Samtang midalit usab og mga awit ang Newsbreak nga gilangkuban ni Malou Tabar, Copy editor sa The Freeman ug anchor sa dyRC ug Arni Aclao photographer sa Sunstar Daily.
Ang naila na kaayo nga Knapsack Dancers sa ABS-CBN Cebu mipainit usab sa dance floor. Ang Wicked Sisters Events+Socials nga gilangkuban nila ni Bb. Pilipinas World Anna Maris Igpit, Miss Aliwan 2009 Sian Elizabeth Maynard ug Karla maoy responsabli sa labihan ka mabulukon nga Mr. and Miss Press Freedom karong tuiga, nga produksyon sa Cebu Entertainment Group(E-Group).
Ang Miss Press Freedom gisugdan niadtong 2004, diin ang pambato sa The Freeman Lani Ginete maoy midaog. Subling gilangkat sa The Freeman ang korona niadtong 2006 pinaagi ni Ardele Merton, 2007 pinaagi ni Rachelle Dangin ug 2008 pinaagi ni Stacy Danika Alcantara.
Niadtong 2005, ang pambato sa CDN nga si Tanya Chica maoy midaog, pagka 2009 si Katrina Balmaceda nga pambato sa Sunstar maoy narayna, pagka 2010 ang pambato sa CDN nga si Candeze Mongaya ang nakoronahan ug sa milabay nga tuig mao si Phoebe Fernandez nga pambato sa KBP ang nakoronahan.
Ikatulo pa lang kadto nga Mr. Press Freedom. Unang midaog sa maong titulo si Roy Empleo sa KBP ug niadtong 2010, ang pambato sa CDN ug maguwang sa ni Ed nga si Doyzkie maoy midaog.
Pangandoy ni Gwen natuman
Giangkon ni Gwen Zamora nga wala siya kasabot sa iyang gibati sa dihang giingnan siya nga modala siya isip sirena sa bag-ong serye sa GMA-7 nga Aso Ni San Roque.
Suma pa ni Gwen nga bata pa lang siya, gipangandoy gyud niya nga makabaton og role nga sirena sa higayon nga mosulod siya showbiz.
Hinuon kontrabida nga sirena ang role niya sa maong serye apan okay lang kini alang kaniya basta ang importante nga natuman ang iyang pangandoy.
“So parang wish come true itong binigay nilang role sa Aso Ni San Roque. Yun nga lang, bad mermaid ako dito!” nagkatawa nga gipadayag ni Gwen ngadto sa PEP.
Zac motilaw og balot
Tagbawon gyud sa Hollywood actor nga si Zac Efron ang iyang kaugalingon sa unang pagbisita niya sa Pilipinas sa hinapos nga buwan karong buawana ug giingong usa ka semana gyud moistar dinhi sa nasud ang maong aktor.
Naghimo na karon og listahan si Zac alang sa iyang himoon inig kaabot niya sa Pilipinas.
Matud pa ni Zac nga naghinam-hinam na siya nga mokaon og balut ug halo-halo nga dunay ube.
Dili usab palabyon ni Zac ang mga nindot nga kadagatan sa Pilipinas ug gusto kini makakita sa mga butanding.
Nasayran nga makauban ni Zac ang iyang amahan nga si Dave sa pagtikang niya dinhi sa Pilipinas.
Sharon uyon sa French suitor ni KC
Uyon si Sharon Cuneta sa nanguyab kang KC Concepcion nga si Pierre Emmanuel Plassart.
“Sa lahat ng pinakilala ng anak ko sa akin, si Pierre ang pinaka-favorite ko kasi magalang sa amin,” matud pa ni Sharon.
Matud pa ni Sharon nga nindot gyud og batasan ang French suitor ni KC kinsa gihulagway niya nga “very well-bred” very well raised” ug “lalaking-lalaki.
Daghan karon ang na-intriga sa pulong nga gigamit ni Sharon nga “lalaking-laki”.
Busa daghan ang nagduda nga posibleng giigo niini ang kanhi uyab ni KC nga si Piolo Pascual.
Usa ka 29 anyos nga French photographer ug filmmaker si Pierre ug giingong mao kini ang nakahatag karon og kalipay ni KC human sa kontrobersyal nga break-up niini kang Piolo.
Gipasaylo na ni Lian
Giingong gipasaylo na ni Lian Paz ang giingong babaye nga maoy rason sa break-up nila ni Paolo Contis. Apan nagdumili gihapon si Lian sa pagbutyag sa pangalan sa maong babaye gumikan kay dili gusto nga modako pa ang istorya.
Paolo andam motubag
Gipasalig ni Paolo Contis nga mohatag siya og opisyal nga statement kalabot sa break-up nila ni Lian Paz inigkaabot niya dinhi sa nasud gikan sa iyang paglarga sa Amerika alang sa special episode sa Manny Many Prizes. Nasayran nga si Paolo maoy nakigbuwag kang Lian.
Maxene naibog ni Renz
Giingong kanunay nga kiligon si Maxene Magalona kung hisgotan ang anak nila ni Lorna Tolentino ug anhing Rudy Fernandez nga si Renz. Giingong type ni Maxene si Renz.
Sarap Diva
Madayon ang cooking show ni Regine Velasquez sa GMA-7 nga nag-ulohan og Sarap Diva. Karong October 6 na sa buntag ang pilot episode niini. Matud pa nga dunay nga special participation niini ang anak ni Regine nga si Baby Nate ug ang pet dog niya nga si George. Cooking show with music ang tirada niini ug musical director usab niini si Raul Mitra.
Magpakailanman ibalik
Banhawon sa GMA 7 karong November ang programang Magpakailanman ni Mel Tiangco. Matud pa nga giplanohan karon sa GMA-7 mao ang life story ni Rosanna Roces.
Aiza uyon sa RH Bill
Tsika pa ni Aiza Seguerra nga usa sa dakong problema karon sa nasud mao ang overpopulation ug mao kini ang hinungdan kung nganong uyon siya sa reproductive health bill (RH Bill).
Pahinungod kang Aljur
Natandog pag-ayo si Aljur Abrenica sa dihang nasayran niya nga dunay gihimo nga kanta si Kylie Padilla nga gipahinungod kaniya. Nasayran nga dunay umaabot nga album si Kylie kung diin ang aktres mismo ang composer sa mga unod niini.
Nagpungasi nga gugma
Giangkon ni Jericho Rosales nga kanunay siya nga magmalipayon sa iyang gibuhat ug daghan ang nagduda nga usa sa rason niini mao ang iyang uyab nga TV host ug model nga si Kim Jones. “Masaya naman ako ngayon. Masaya ang puso ko,” matud pa niya. ()