Si Katreena maoy makigtigi alang sa titulo Miss Press Freedom 2012 diin makontra niya ang mga pambato gikan sa Sunstar, Cebu Daily News ug The Freeman/Banat News.
“I am very lucky because I have a lot of friends who promised their support for the upcoming search for Miss Press Freedom. Rest assured, I will continue to deliver my best at the same time enjoy this once in a lifetime moment,” matud pa ni Katreena.
Ang KBP maoy kasamtangang naghupot sa titulo nga Miss Press Freedom kung diin ang pambato niini nga si Phoebe Kaye Fernandez sa ABS-CBN -Cebu maoy nakadaug sa maong pageant sa miaging tuig. (Sanden J. Anadia)
Gilabnihan
Nabiktima og snatching ang aktres nga si Jan Marini Alano sa Sacred Heart, Quezon City. Gilabni ang iyang shoulder bag nga may P15, 000 cash, credit cards, IDs lakip na yawi sa ilang balay, sa usa ka lalaki nga nag-motorsiklo.
Balik-tandem
Subling magpares sila si Rocco Nacino ug Lovi Poe sa umaabot nga afternoon soap sa GMA-7, The Borrowed Wife. Humana sila og shoot sa teaser.
Nagkuyog man lagi
Human gidungog nga nagbuwag na, nakit-ang nagkuyog adtong Sabado sa gabii sila si Mark Anthony Fernandez ug ang asawa niini nga si Melissa sa Music Museum nga mitan-aw sa show sa ilang anak nga si Grace, kauban ang unom pa nga mga bata gikan sa Center for Pop Music Megamall Branch.
Pun-an pa
Gipadayag sa bag-ohay lang nga nanganak nga si Pia Guanio nga gusto pa niya masundan ang baby girl nila sa iyang bana nga si Steve Mago.
Higala gihapon
Giklaro ni Gerald Anderson nga bisan nahunong na ang pagpanguyab niya kang Sarah Geronimo, magpabilin gihapon ang ilang panaghigalaay ug dili magdumot sa usa’g-usa.
Sam misalikway
sa isyu
Gihimakak sa Filipino-American actor nga si Sam Milby ang wala pa mahupas nga tsismis nga matud pa siya ang rason sa break-up nila ni Maja Salvador ug Matteo Guidicelli.
Ikaw na KC!
Nag-uros uros ang gugma ni KC Montero ngadto kang Rhian Ramos gumikan kay kuyogan gyud niya permi ang aktres sa bisan asa nga lakaw niini .
Bag-ong mga bida
Co-producer ang TV5 sa Metro Manila Film Festival entry Lola Basyang. Pwes ang resulta, si Sid Lucero nga mao untay unang bida, dili na mahinayon sanglit taga GMA-7 siya. Si Edgar Allan Guzman maoy muhulip niya. Si Empress, ang lain pa nga bida, kinsa taga ABS-CBN, hulipan ni Alex Gonzaga.
Negosyo banhawon
Ablihan og balik sulod karong buwana ang nasira nga restaurant ni Cesar Montano didto sa Quezon City.
Christian sa GMA-7?
Gikatahong dunay offer ang GMA-7 ngadto sa kapamilya star nga si Christian Bautista apan gitugyan na lang sa singer ang maong butang ngadto sa iyang manager.