Deadmotology si Mark

MNNAOTW mga Ka Tribung BisChikadora! Malipayong Pasko kanatong tanan! Tuguti ang inyong Yur’s truly ang unang mo greet gyud ninyo, pila na lang ka adlaw Pasko na, murag dali kaayo ang dagan sa panahon pero mao na siya ang ginaingon nga dili nato kini mapug-ngan, ang angay lang gyud natung buhaton kay ang mangandam sa tanang adlaw. Busa isip pang BuenaMano nga akong ipaambit kaninyo karun pa lang pang lista na kung kinsa imong mga kinugos ang tagaanan nimo og regalo. Sakto lang usab nga mamalit na ka og hinay-hinay kay daghang baratilyo ang mga nahitabo wala ug tuo. O, diba? Hugyaw!

Niaging semana kay na busy ang among team para sa Kapuso Mall Show kauban ang duha ka hunks sa GMA 7 nga silang Mike Tan ug Mark Bautista. Nalingaw ang mga Kapuso nato sa SM Consolacion kay sa wala pa nanglugwa ang mga Kapuso stars nanghatag usa kami og mga pa premyo pinaagi sa mga paduwa. Pero wala na gyud kapugngi ang gibati sa mga Kapuso sa dihang tagsa-tagsa na nga nihalad ang mga Kapuso stars pinaagi sa ilang maka-inlove nga kanta ug hataw nga performances gikan ni Mark Bautista. Suwerte kaayo kita sa kahigayunan nga makig-bonding kanila. Usa ka panihapon sa usa sa mga kan-anan ang among lafangan. Istorya ginagmay, pahiyom og dinagko. Para kay Mike Tan medyo komportable nako kay sige naman mi kuyog og mga shows pero si Mark Bautista kay una kining higayon makauban siya sa usa ka lamesa, medyo kiwaw ang akong drama kay sa tan-aw nako strikto ug dili kini hinabi, sa tinuod lang makasabot kini og binisaya, o basin di siya gusto maistoryahan ang iyang lovelife, mao nga deadmatology ang dating? Pero sa pagkadugayan, okey na madala na og smile. Basin sa sunod nato nga makatrabaho si Mark Bautista maka BisChika na kita niya ug makapangutana…unsa kahay angay ipangutana? Hmmmmm…

Pagkasunod adlaw, sayo nako nangandam kay sa makausa pa sa dugay nga panahon nga sige ko imbitahon ni Ms. Mabelle sa Kapuso Foundation for the Outreach Program dili gyud ko pwede tungod naa mi show. Pero usa ka adlaw niana libre ang akong oras nakatikang ko sa CFC Handmaids of the Lord , GMA Kapuso Foundation para sa usa ka outreach program. Gilingaw usab nato ang mga taga Opra Unit 5 Kalunasan, ang mga bata ug mga nanay nila kay game kaayo niapil sa atong mga games, pagkahuman guest nianang pagka hapon si Ms. Joanne Danao nga wala nagduhaduha sa pagpaambit sa iyang paghimo og chocolate nga pwede sa mga nanay pangnegosyo labi na duol na ang Pasko.

NaHugyaw usab ako kay adunay imbitasyon ang University of Cebu –Banilad para sa search for Mr. and Ms. Intramurals 2012. Ganahan ko ni Sir Ramir kay very organized kaayo gikan sa akong pag-abot sa ilang unibersidad hangtud sa pagpauli nako. Tuod man pagsulod nako sa University, hugyaw nga mga estudyante ang nisugat kanako . Tanang department adunay nagkadaiyang gimik, nindot ang feeling kay murag estudyante kunuhay ko, hahahahhahaha! Pagrampa sa Mr.and Ms Intramurals 2012 candidates halos dili nimo madunggan ang ilang mga singgit para sa ilang mga manok. Rampa dire, rampa didto, rampa kung rampa pero ang nakaHugyaw kay sa pagpaila na nila sa ilang mga kaugalingon mas ni doble ang abiba sa matag departamento.

Tuod man sa matag indigay dunay nigawas nga mananaug. Congratulations nilang :

Mr. and Ms. Intramurals 2012 - Ms. Rubylene Ursal and Mr. Daniel Daniel

1st Runner Up – Ms. Shiny Faye Sepulveda and Mr. Darren Reyes

2nd Runner Up – Ms. Edaveth Jaca and Mr. Michael Anton Suico

3rd Runner Up – Ms. Karyn Mae Patino and Mr. John Paul Preston

Hangtud na pud sa sunod nato nga BisChika! Love you all…