CEBU, Philippines - Di’ ikalimod ang mga problemang padayong nidisturbo sa kinabuhi sa katawhan. Isip mata ug dunggan sa komunidad, ilusad sa ABS-CBN Cebu ang bag-ong programa nga ang tumong mao ang pagpadayag sa mga tawo sa ilang mga reklamo ug pagpangayo og tubag sa mga ahensya sa kagamhanan ug ubang sektor sa problema ug reklamo.
Karong Septiyembre 1, Sabado sa alas siete sa buntag, magbukas ang programa nga TUBAG. Kini ang programa nga muhatag og mas lawom ug klaro nga detalye sa mga isyu sa katilingban. Sulod sa biyente minutos, tubagon sa mga nagkadaiyang ahensya sa gobyerno ug pribadong mga organisasyon ang mga kritikal nga pangutana sa apektadong katawhan.
Ug alang sa unang episode sa TUBAG, tukion ang isyung dugay nang gireklamo sa katawhan apan wa’ pay klarong TUBAG. Atong ubanan si Leo Lastimosa nga maoy mangunay sa pagpangita og tubag sa mga reklamo.
Sugod karong Sabado sa ABS-CBN TV 3-Cebu, ang tanang pangutana, tagaan nato og TUBAG.