CEBU, Philippines - Kagahapon nagdukiduki ang Philippine Entertainment Portal sa box-office returns sa nagtigi nga mga pelikula Just One Summer ug The Reunion, pero matud pa managsama nga daw idlas ang mga producers niining maong pelikula.
Pero nasayran sa PEP nga gi-pull-out sa pipila ka sinehan ang Just One Summer sa GMA Films sa second day pa lang, ug gihulip niini ang bag-o pa lang gisalida nga The Healing. Samtang sa wala pa matino nga rason, gikatahong nagdumili ang Star Cinema, prodyusers sa The Reunion, paghatag sa box-office figures sa pelikula.
Hongkong Adventure
Adunay Hongkong Adventure ang Top 16 sa Artista Academy sa TV5. Gitakda silang mulupad paingon sa Hongkong karong September 8 kauban ang pipila ka staff. Duha sila ka adlaw didto.
Right time
Si Paul Soriano na gyud ang napanlantawan ni Toni Gonzaga nga mamahimong amahan sa iyang mga anak ug mamahimong bana, apan kinahanglan pa niya nga magpaabot og tukmang panahon.
Kontrabida day and night
Giangkon ni Chynna Ortaleza nga siya mismo naglibog sa iyang duha ka kontrabida roles sa managlahi nga projects. Kontrabida siya sa primetime serye Luna Blanca ug magminaldita pud siya sa afternoon prime Sana Ikaw Na Nga.
Hip hop socialite
Nahugyaw si Jan Marini Alano sa iyang role nga socialite sa Sana Ikaw Na Nga sanglit dili matud pa siya sosyal sa tinuod nga kinabuhi. Hiphop matud pa siya.
Wala na diay klaro
Wala na masayud si Andi Eigenman kun unsa gyuy estado sa relasyon nila ni Jake Ejercito. Basta kun siyay pangutan-on, espesyal diha sa iyang kasingkasing ang nahisgutang ulitawo.
Walay “sawa factor”
Kada adlaw sila magkuyog sa iyang uyab nga si Drei Felix pero suma pa ni Venus Raj wala silay “sawa factor,” kay seryoso matud pa sila sa ilang relasyon. Apil si Venus sa pelikulang Pridyider under Regal Films nga gibituonan ni Andi Eigenman.
Wa na pud mahinayon ang kasal
Wala matud pa nagmalampuson ang panaghigugmaay nila ni Rufa Mae Quinto ug Boy2 Quizon, pero misantop matud pa sa ilang hunahuna ang magpakasal. Pagkakaron pahuway una si Rufa Mae sa lovelife ug ipadayon ang plano niya nga mag-produce og pelikula.
Paco gipikhan ni Geneva
Giangkon ni Geneva Cruz nga ang ex niyang si Paco Arespacochaga ang iyang gibirahan sa mga rant posts niya sa iyang social networking accounts. Bisag wala niya idetalyi unsay sinugdanan sa maong mga posts, matud ni Geneva nga buot lamang niya nga makaamgo si Paco ilabi na sa mga responsibilidad niini ngadto sa ilang anak nga si Heaven.
Launching project
Si Gina Alajar maoy direktor sa launching project sa loveteam nila ni Bela Padilla ug Dion Ignacio alang sa afternoon prime sa GMA-7. May titulo kini nga “Magdalena.
Walay hunong ang projects
Human sa last taping day ni direk Ricky Davao sa Makapiling Kang Muli adtong milabay nga adlaw, nag-story conference dayon siya para sa iyang follow-up project, ang Pinoy version sa Korean series nga Coffee Prince. Reunion project kini sa magka loveteam nga Aljur Abrenica ug Kris Bernal nga mas naila isip AlKris sa GMA-7.
JuliElmo movie palpak
Flop ang launching movie sa loveteam nila ni Elmo Magalona ug Julie Ann San Jose nga Just One Summer ubos sa GMA Films. Kini kun basehan ang kwentada sa third-party tabulator Box Office Mojo ang pelikula sa JuliElmo usa ra ka semana nga gisalida sa mga sinehan ug mihipos kini og P6.15 million.
Samtang ang kadungan niining Star Cinema movie, The Reunion nga gibituonan nila ni Xian Lim, Enchong Dee, Enrique Gil ug Kean Cipriano mihipos og two-week gross nga P55.5 million
Ang maong mga pelikula mibukas sa mga sinehan adtong Agosto 15.
Samtang ang foreign movie Total Recall adunay five-day opening gross nga P28.8 million. Ang The Expendables 2 may opening gross nga P20.4 million ug two-week gross nga P74.7 million.
Samtang ang Cinemalaya entry “Mga Mumunting Lihim” starring Judy Ann Santos mihipos og P774,349.00 sa pagsalida niini sa mga sinehan.
HIGHEST-GROSSING FILMS IN THE PHILIPPINES FOR 2012
(As of August 28, 2012)
1. Marvel’s The Avengers – P641.1-M
2. The Amazing Spider-Man – P341.4-M
3. The Dark Knight Rises – P223-M *
4. The Bourne Legacy – P195.47-M *
5. UnOfficially Yours – P157.25-M
6. Wrath of the Titans – P145.94-M
7. The Hunger Games – P140-M
8. Kimmy Dora and the Temple of Kiyeme – P133-33-M
9. Men in Black 3 – P132.67-M
10. Battleship – P122.59-M
HIGHEST-GROSSING PINOY MOVIES FOR 2012 SO FAR
(As of August 28, 2012)
1. UnOfficially Yours – P157.25-M
2. Kimmy Dora and the Temple of Kiyeme – P133.33-M
3. The Healing – P104.6-M
4. Moron 5 and the Crying Lady – P64.6-M
5. The Reunion – P55.5-M *
6. Born to Love You – P52.37-M
7. Corazon Ang Unang Aswang – P51.39-M
8. Every Breath U Take – P50.2-M
9. The Mommy Returns – P30.6-M
10. Boy Pick-Up: The Movie – P25.37-M
11. A Mother’s Story – P24.81-M
12. My Cactus Heart – P23-M
13. My Kontrabida Girl – P13.1-M
14. The Witness – P8.6-M
15. Just One Summer – P6.15-M
16. Hitman -P4.96-M
17. Mga Mumunting Lihim – P774,349.00