Bea inabot ng P300k ang bayaran sa telepono

SEEN: Ang misa para sa successful kidney ope­ration ni Zsa Zsa Padilla sa Dolphy Theater ng ABS-CBN noong Martes.

Dumalo sa misa ang mga executive ng ABS-CBN at ang mga anak nina Mang Dolphy, sina Sahlee, Eric, Epy, at Nicole Quizon.

SCENE:  Balik-Twitter si Hayden Kho, Jr. Hindi napanindigan ni Hayden ang pangako na tatalikuran na niya ang Twitter world.

SEEN : Nanalo noong Martes ng  Blue Chameleon Award sa 2012 Cinema Digital Seoul Film Festival ang indie movie na Bahay Bata.

SCENE : Tamad ang website administrator ng  dzBB, ang radio station ng GMA Network Inc. Matagal nang hindi updated ang official website ng radio station ng GMA 7.

SEEN: Pangarap ni Wynwyn Marquez na sumali sa beauty contest dahil nangangarap siya na maging beauty queen.

May tsansa si Wynwyn na matupad ang kanyang pangarap dahil maganda, matalino, at matangkad siya.

SCENE: Pupunta sa Hong Kong ang mga scholar ng Artista Academy. Treat ni TV5 owner Manny Pangilinan ang Hong Kong trip ng mga contestant ng talent search program ng kanyang television network.

SEEN: Puwedeng wala sa Kahit Puso’y Masugatan sina Myrtle Sarrosa at  Yves Flores ng PBB Teens dahil pampagulo lamang sila sa istorya.

SEEN: Ang almost P300,000 cell phone bill ni Bea Binene dahil hindi niya na-turn off ang data services ng kanyang telepono nang magpunta siya sa ibang bansa.