I Do Bidoo Bidoo

CEBU, Philippines - Karong adlawa ang showing sa I Do Bidoo Bidoo nila ni Ogie Alcasid, Zsa Zsa Padilla, Eugene Domingo ug Gary Valenciano. Dinhi pud ipaila ang tandem nila ni Sam Concepcion ug Tippy Dos Santos.

Puros maayo ang mga artista nga naglangkob sa cast diin daghan ang nahugyaw sa talento nga gipakita ni Sam sa acting, dancing ug singing.

Kung positibo ang box-office results niini, gipaabot nga musulbong og maayo ang career ni Sam ug matagad na si Tippy Dos Santos.

Singapore Vacay

Basi sa Instagram photos sa pipila ka celebrities nga mitambong sa birthday party ni Ogie Alcasid adtong Lunes sa gabii, tataw nga alegre ang selebrasyon. Siyempre usa sa birthday wish sa mabait nga singer/songwriter ang box-office success sa pelikula nilang I Do Bidoo Bidoo.

Human sa promo sa ilang pelikula mangandam na si Ogie sa ilang bakasyon sa Singapore. Mga third week of September matud pa sila mularga kay matunong nga summer vacation nila ni Sarah ug Leila.

Didto na sila sa Singapore magkita sila si Sarah, Leila ug Baby Nate, diin makauban pud nila ni Regine sila si Michelle Van Eimeren ug ang bana niini nga Mark Murrow.

Usa sila ka semana didto….Sol Gorgonio/PSN