J.Lo ug Lady Gaga nalakip sa Most Powerful Women 2012
CEBU, Philippines - Sa ikaduhang higayon, nag-una gihapon sa listahan sa Most Powerful Women 2012 sa Forbes magazine si German Chancellor Angela Merkel.
Wala gihapo’y nausab sa ikaduhang puwesto ug subli kini nga naangkon ni US Sec. of State Hillary Clinton ug nahimutang usab sa third place mao si Brazilian Pres. Dilma Rousseff.
Mikumpleto sa top 5 si Melinda Gates, ang co-chair sa Bill & Melinda Gates Foundation; ug Jill Abramson, ang executive editor sa New York Times.
Samtang una usab nga higayon nga nalakip sa listahan ang singer nga si Jennifer Lopez ug Laurene Powell Jobs nga asawa sa Apple founder nga si Steve Jobs.
Nalakip usab sa listahan si Queen Elizabeth II sa Britanya, (26th place) nga maoy labing taas og edad (86 anyos) nga nasulod sa listahan, samtang naa usab si Lady Gaga, (14th place) nga maoy labing bata nga nagpangedaron og 26 anyos.
Kasagaran nga nasulod sa 2012 World’s 100 Most Powerful Women sa Forbes naglangkob sa head of states, politicians, business leaders, journalists, media tycoons ug celebrities.
- Latest
