GARRY: Mao ra gyud to ang baha pero wala'y bagyo. Lunop gyud ang nahiagoman sa atong kaigso-onan nga naa sa Luzon, Vatski. Wala ta'y mabasol ug wala ta'y ma-pinpoint kung kinsa ang sad-an o kinsa ang nagkuwang kay ang tanan kabubut-on sa Kahitas-an. Basura here and there. Daghang miingon nga kung mahibalik pa unta ang kaniadto, dili unta ingon niato ang mahiagoman. Speaking of time, thumbs up gyud for Carmina ug Zaijian Jaranilla team-up sa ilang 'Lorenzo's Time' sa ABS-CBN. Bilib ko kay bisan bata pa si Zaijan, iya gayud na-portray ang mature role. Iyang na-capture kitang motan-aw. No wonder nga taas kaayo ilang rating. Positive kaayo ang feedback. Good move ni Carmina Villaroel sa iyang pagbalhin sa ABS kay nindot nga break ang gihatag kaniya.
VATSKI: Maayong adlaw, Gar, ug sa tanang mga loyalista sa Banatanay! Pasalamat gyud ta pirmi kang Sr. Sto. Niño nga hatagan ta Niya kanunay og maayong panahon, nga panalipdan ta Niya kanunay sa katalagman. Milagro gyung matawag nga samtang pwerteng bahaa sa Luzon area, kita diri gauga sa kainit. Busa, mga readers sa Banatanay, ayaw gyud mo kalimot og sangpit pasalamat sa Halangdong Bata ha, sa kanunay nga proteksyon Niya nato. Anyway, kung bilib ka anang salidaa, Gar, ako, dili. Kinopya man gud na nga plot sa "Benjamin Button" starring Brad Pitt, diin nagsugod og tiguwang ang character ni Brad Pitt, hangtud mamahimo siya'g bata in the end. And besides, mao pud na'ng estoryaa atong si Xyrel Manabat ang gada sa papel ni Connie Reyes. Abi ni-click man to, sundan dayun sa ABS-CBN. Wa na silay laing mahunahunaan?
GARRY: Kahibalo ka Vatski, "Lorenzo's Time" naghatag sa mga viewers og different kind of entertainment every night.
Lahi ang Lorenzo's time kay "its a unique touch of comedy" ug pang-pamilya gyud siya kay Lorenzo's life is full of values man. Mao ni angayan tan-awon nato nga naay pagtulun-an. Kanang rated G ba!. Congratulations diay sa Cebu Provincial Government headed by Cebu Governor Gwendolyn Garcia sa successful kaayo nga Pasigarbo sa Sugbo festival. Mao siguro ni ang katapusang festival kay last term naman ni Gov. Garcia. Surely, we will miss the festival!
VATKI: Ay dah, entertainment ba, nga di man gani ko malingaw. Nothing's new gyud, Gar. Anugon lang akong oras! Kargado na gyud ron sa salida sa ABS-CBN, kung dili tanan, balik-balik nalang. Kung magtan-aw ka, makahibawo naka unsay sunod mahitabo. Mao gani'ng stick to GMA nalang ko kay di pa ko ma-stress kay tinuod gyud nga entertaining ang mga salida. Speaking of Pasigarbo, Talisay City gyud ang nakoronahan as the Festival Queen. Bongga gyud ning mga taga Talisay, daghan biya'g crush diha si Garry, di nalang nato nganlan kay di unya ta librehon sa sunod niya'ng honorarium. Hahaha..
Pangutana: Unsay ikasulti ninyo sa Lorenzo’s Time sa ABS-CBN? Balik-balik? Ipabuhagay ang imong opinyon, kauban sa imong ngalan ug address ngadto sa: 0917-324-7754.
Kinahanglan dili mulapas og USA KA SENTENCE o dili taas kaayo imong reaksyon aron sigurado nga mapatik. Kutob lang karong 12 noon karong adlawa, August 20, ang pagdawat nato sa inyong mga mensahi, busa text text text na. Dili lang mangaway ha, walay personalan, tinarong lang nga comment.