Benepisyo sa Kamote ug Saluyot

CEBU, Philippines - Malipayong Domingo sa inyong tanan! Sa akong pagsulat niini ania ako sa Naga, Bicol para sa opisyal nga pag-abli sa bag-ong regional station diri. Pagka sunod ugma didto na pod kami sa Legazpi para sa tibuok nga adlaw nga Kapuso Day. Mao nga usa ka dakong Congratulations sa GMA Network sa usa na pod ka bag-ong istasyon.

Karong buntaga, lain na pod akong hisgutan.Ug kini angayan gyud ninyong timan-an kay magamit kini sa inadlaw nga pagkinabuhi. Ania ang 10 Things

1. Mangutot – Ang tanan tawo mangutot, tipik ka na sa kinaiya sa tawo. Kung ikaw dili mangutot, naay problema nimo. Pero dili buot pasabot nga tanan tawo dapat mag-agwanta sa baho sa imong utot. Pwede ikaw nga magpalayo kung kinahanglan na gyud. Kung dili na maagwanta ug nigawas lang gyud og iyaha, dapat kang mosulti og “Sorry” o “Excuse me”.

2. Mag- toothpick kahibaw ko nga dili malikayan ang mga mosuksok nga mga pagkaon sa atong ngipon, pero dapat tabonan nimo imong baba kung ikaw kinahanglan mag- toothpick Dili maayo nga ang tibuok kalibutan makakita sa imong baba ug kung unsay imong gikaon.

3. Ayaw pangihi sa mga publikong lugar– Sagad sa mga pinoy, labina ang mga kalalakin-an, ang mangihi sa mga publikong lugar. Dili man kini ngil-ad tan-awon, pero ngil-ad sad ang baho nga inyong binlan sa inyong ihi. Dapat respetuhon nato ang lugar sa uban, ilabina ilang mga pader.

4. Mangluwa – Kontra kaayo ni nakong mangluwa sa bisan asang lugar. Dili kini maayong talan-awon, ug hugaw pa gyud kini. Kung ikaw kinahanglan mangluwa, kuha og tissue ug didto pangluwa, o adto sulod sa CR.

5. Manghingugmo – Dili lamang kini hugaw, luod pa gyud kini tan-awon. Ang atong kamot bisan asa ug unsa ang gunitan, mao nga dili maayo nga imong ibalhin ang hugaw sa imong ilong padung sa uban.

6. Panudlay – Usa sa mga dili maayo buhaton sa publiko ang manudlay, ilabina kung kini kay atubangan sa pagkaon. Hinumdomi, kung ikaw manudlay sa publiko, tabla ra sad ug nag-tootbrush sa publiko.

7. Manghinguko o Manghinguto – Yes, dili maayo ang mamutol sa imong kuko o mangita og lusa o kuto sa publiko.

8. Mamisa og bugas – Kung ikaw naay dakong bugas sa imong nawong, huwata ang oras nga pwede kang makasulod sa CR o sa usa ka pribadong lawak kung diin pwede na nimo kining pisaon. Ayaw ipakita sa tanan ang paggawas sa hugaw gikan sa bugas sa imong nawong.

9. Pagstorya og kusog sa cellphone/telepono – Dili tanan tawo ganahan makadungog sa imong pribadong pakigsulti diha sa telepono. Siguroha nga sakto ra ang gikusgon sa imong tingog, ug dili kanang mag- syagit nga makadungog tanan tawo.

10. Public Display of Affection – O mas gitawag og PDA. Sa kultura natong mga Pinoy, dili nindot nga tan-awon ang paghalok o paghikap sa mga pribadong parte sa lawas nga makita sa ubang tawo. Pwede kamong mangita og pribadong lugar kung dili na kini mapugngan.

Pangutana o reaksyon? I-text kini, dungan sa imong ngalan ug address ngadto sa 0943-431-4567 sa dili pa ang 10 sa buntag karong adlawa, (August 19). 

Ayaw paghuwat og reply sa imong mensahi, atangi ang tubag sa imong pangutana sunod Domingo