Derek walang katapusan ang reaction sa 'relasyon' nina John Lloyd at Angelica

SEEN: Ang pagbabalik sa bansa ni Derek Ramsay mula sa London at ang walang kamatayang isyu tungkol sa romantic involvement nina Angelica Pa­nga­niban at John Lloyd Cruz ang kanyang unang sinagot.

SCENE: Ngayong gabi ang Thanksgiving presscon ng GMA 7 dahil sa mataas na ratings ng One True Love.

SEEN: Natuwa, nagpasalamat at nag-I love you si Empress sa entertainment columnist na nagsabi na panahon na upang bigyan siya ng launching movie.

Cast member si Empress ng Amorosa, ang horror movie ng Skylight Films na ipalalabas sa mga sinehan sa August 29.

SCENE: Maindie ang tawag ng mga artista ng Amorosa sa kanilang indie movie na pang-mainstream ang quality. 

SEEN: Sa September 5 ang commercial run ng Bwakaw, ang Cinemalaya movie ni Eddie Garcia na nanalo ng Audience Choice Award. 

Kasali rin ang Bwakaw sa 2012 Toronto International Film Festival.

SCENE: Signature actors ni Mac Alejandre sina Ana Feleo at Mon Confiado.

Kasama sina Ana at Mon sa mga project ni Mac, gaya ng Nandito Ako at Just One Summer.

SEEN: Naghahanda na ang Quizon family para sa 40th day ng kamatayan ni Dolphy sa August 18.

Isang telethon ang pinaplano ng naulilang pamilya ni Dolphy para sa Dolphy Aid, ang foundation ng King of Comedy.