Bayan, Bayani, Bayanihan! nag-iimbita para magdasal!
MANILA, Philippines - Bidang-bida na naman ang lahing kayumanggi kahit sa panahon ng kalamidad! Sa gitna ng matinding ulan at baha dulot ng habagat, ramdam na ramdam pa rin ang pusong malasakit at ugaling matulungin na natural na sa ating mga Pilipino.
Kaya naman sa darating na Agosto 13 hanggang 17, sama-sama nating ikarangal at ipagdasal ang ating bayan na hitik sa mga bayani at handa sa bayanihan!
Handog ng The 700 Club Asia ang Bayan, Bayani, Bayanihan, isang live TV special na sasaludo sa mga ordinaryong Pilipino na hindi umaatras sa pagsubok, puno ng pag-asa para sa Pilipinas, at buo ang pananampalataya sa Diyos.
Ikaw din, maaaring sumali sa Bayan, Bayani, Bayanihan! Makakasama mo ang celebrity friends ng The 700 Club Asia sa pagkikipagbayanihan sa Operation: Bless Luzon, kung saan tayo’y maghahatid ng tulong, ngiti, at pag-asa sa mga nasalanta ng matinding pagbaha sa Metro Manila at mga kalapit probinsya.
Patunayan mo ang iyong dugong bayani! Simulan mo ito sa Bayan, Bayani, Bayanihan, mula Agosto 13 hanggang 17, Lunes hanggang Biyernes, alas-11 ng gabi sa GMA News TV, at via live webcast sa www.cbnasia.org. I-like din an gaming Facebook page www.facebook.com/the700clubasia para sa updates.
- Latest
