Zandra Summer lig-ong pambato sa Cebu
CEBU, Philippines - Gipaila na adtong Domingo sa gabii ang 20 ka mga contestants nga maoy magtigi alang sa Protege: The Battle for the Big Artista Break sa GMA-7. Ang upat nga napilian ni Visayas mentor Jolina Magdangal naglakip nila ni Bryan Benedict, Mikoy Morales, Mitch Capili ug Zandra Summer. Si Zandra, beauty-titlist, kansang amahan usa ka Austrian. Igsuon niya ang model ug Mr. Olive C-Cebu ug Mossimo Bikini Summit Visayas League winner nga si David Sommerauer.
Si Mikoy taga Bacolod, si Mitch taga Bohol ug si Bryan taga Manila nga dinhi na sa Sugbo nagtrabaho.
Samtang ang mga contestants nga napilian ni Mega Manila mentor Roderick Paulate naglakip nila ni Andres Vasquez, Vien Alen King, Elle Ramirez ug Kelly D.
Sa Northern ug Central Luzon ang mga napilian sa banggiitang actor ug TV director nga si Ricky Davao mao sila si Glenn Roy, Japs de Luna, Reese Tayag ug Shelly Hipolito.
Pambato ni Southern Luzon mentor seasoned actress and TV director Gina Alajar sila si Jeric Gonzales, Mykel Ong, Arny Ross ug Thea Tolentino. Sa Mindanao, si drama and action film legend Phillip Salvador mipili nila ni David John Llanas, Ruru Madrid, Apple Vega ug Steffi Pacheco.
Ang Top 20 aspirants naa na karon sa Protégé Quarters, diin ang mga panghitabo ipakita pinaagi sa 15-minute daily updates sa Inside Protégé ni Jennylyn Mercado, Mondays to Fridays human sa One True Love. Masundan pud ang mga aspirants pinaagi sa www.gmanetwork.com/protégé pinaagi sa mga tsika ni Web Jock Maxene Magalona matag adlaw sa Protégé Webisodes
- Latest
