Georgina uyon sa RH Bill

CEBU, Philippines - Tsika pa sa TV host/model nga si Georgina Wilson nga makapaalarma na ang sitwasyon sa Pilipinas kung diin misaka na og 70% ang kaso sa “ unwanted pregnancies” busa uyon gyud siya sa RH Bill. "How sad just read that teenage pregnancies are up 70% in the last decade. We have the highest number in SEAsia RH bill where are you???,” suma pa sa tweet ni Georgina. Kahinumduman nga usa ka dakong anti-RH Bill rally ang gihimo sa nagkalain-laing dapit sa nasud  niadtong Sabado. Nasayran nga hukman na ugma sa mga kongresista kung angayan ba hunongon o ipadayon ang debate kalabot sa maong giduso nga balaodnon.

EB Indonesia mi-click

Gikatahong naglawig karon sa iyang timeslot ang programang Eat Bulaga Indonesia. Kahinumduman nga nagsugod ang maong programa niadtong July 16. Samtang gikumpirmar ni Joey de Leon nga moduaw sa Pilipinas sulod karong semanaha ang tulo ka hosts sa Eat Bulaga Indonesia. Molugwa sila sa Eat Bulaga ug makabaton og production number uban nila ni Papa Joey, Tito ug Vic Sotto. Mokanta og Tagalog songs ang Eat Bulaga Indonesia hosts samtang Bahasa song usab ang tirada sa TVJ.

Giusa ang selebrasyon

 Manila, Philippines --- Miabot na niadtong Sabado ang mag-uyab nga sila si Dingdong Dantes ug Marian Rivera nga mibakasyon og pipila ka mga adlaw didto sa Hongkong. Kauban nila ang tibuok pamilya ni Dingdong gumikan kay didto ra usab nila gisilebrar ang birthday sa aktor. Bisan pila lang sila ka adlaw nga nag-bonding, didto na lang usab gisilebrar ang birthday ni Marian. Sa August 12 pa gyud ang birthday sa aktres, apan didto lang gihatag ni Dingdong ang birthday gift niya kang Marian. Balik trabaho na si Dingdong gumikan kay nagsugod na kagabii ang gala night sa Protégé: The Battle for the Big Artista Break kung diin gipaila-ila na ang 20 proteges nga huptan sa mga mentors nga sila si Phillip Salvador alang sa Mindanao, Gina Alajar sa Southern Luzon, Ricky Davao sa Northern ug Central Luzon, Roderick Paulate alang sa Mega-Manila ug Jolina Magdangal sa Visayas.

Aljur ug Kylie nagbalik

Giangkon ni Aljur Abrenica sa dihang mi-guest kini sa Startalk nga sa tanang babaye nga na-link kaniya, si Kylie Padilla maoy pinakasuod niya ug padayon niya kini nga higugmaon. Wala pa gyud siya’y giangkon kalabot sa ilang relasyon, apan obvious kaayo kung unsa kini kalawom ug basin nagbalik na silang duha. Ang duda usab sa uban, wala’y break-up nga nahitabo busa sila gihapon ni Kylie. Naa pa sa Australia si Kylie nga mibakasyon sa lugar sa iyang Mommy ug sa iyang mga igsuon apan padayon gihapon ang komunikasyon nila ni Aljur. (Sol Gorgonio/PSN)

Matt magbinayot sa The Reunion

Gipadayag ni Matt Evans nga gipangandaman gyud niya ang pelikulang The Reunion. Gidala ni Matt ang papel sa usa ka bayot nga best friend ni Jessy Mendiola.

Tsika pa sa aktor nga gibuhat gyud niya ang tanan niya nga mahimo aron lang gyud matarong ang pagdala iyang karakter. Giangkon niya nga nakasuway na siya og gay role kaniadto sa Maalaala Mo Kaya apan misamot kabayot ang iyang karakter sa pelikula.

“Pero dito sa pelikula, ibang klaseng gay role ang gagampanan ko—ibang atake naman ang makikita ninyo rito,” suma pa ni Matt.

Sharon usahay na lang mag-twitter

Manila, Philippines --- Base sa tweets ni Sharon Cuneta niadtong August 2, dili na siya kanunay nga mag-tweet ug dili na usab siya grabe ka-emosyonal. “Good morning, tweeties. I haven’t been able to sleep. Too many things on my mind, so much going on. I myself have been getting my affairs in order. I have been handling my other business interests & investments & I’m doing pretty well with whatever’s personal. I won’t be tweeting my heart out anymore. “Some trolls might try nasty stuff again too but I just don't have the urge to mind them anymore, and all my energy is now focused on all that I have to do. "Biiiig project," remember? Am pretty excited about it. “For now, I need to focus on my concerts in Sydney and Brisbane, Australia. Leaving Monday. “Forgive me pls if I don't get to read/reply to your tweets nowadays. Sobra talagang daming trabaho at inaasikaso. “Love you all and remember - am forever grateful to you all,” ang taas nga tweet ni Sharon. Kahinumduman nga sa Twitter account gipadayag ni Sharon ang tanan niya nga sentimento ug pila na kahigayon nga nahimong kontrobersyal ang iyang mga tweets ilabi na sa panahon nga giatake ang iyang anak nga si KC Concepcion sa iyang page.

Kris dili ganahan mohisgot kang James

Lahi usab ang style ni Kris Aquino gumikan kay matud pa niya, never siya nga mo-check sa Facebook account sa kanhi niya bana nga si James Yap. Nahisgutan nila kini sa iyang co-host nga si Sen. Chiz Escudero sa Kris TV gumikan kay ang topic kalabot sa survey nga 9 out of 10 nga mga Facebook users ang mo-check gihapon sa  FB account sa ilang mga ex-lovers ug interesado sila nga mahibaw-an kung kinsa ang bag-ong inspirasyon sa kanhi partner. Suma pa ni Kris nga nalakip siya sa 1 nga dili mo-check sa FB account sa iyang ex-partner. “Hindi ako nagpe-Facebook. Kahit ‘yung Instagram account ni James, hindi ako nakikialam talaga. Oo, nandu’n ako sa 1. Kasi when it’s over, it’s over, move on, no angst,” suma pa ni Kris.

Dili usab siya mangutana sa ubang tawo kalabot sa iyang ex.

“Kasi, it’s not of my business anymore. Hindi rin ako curious talaga. Masama ba ‘yun na hindi curious? Kasi, ang daldal ko, eh. May talk show ako and baka kung ano pa ang masabi ko,” nagkatawa nga gipadayag Kris. Kung dunay moistorya kaniya kalabot sa iyang ex , siya na mismo ang mopahunong niini. “I say, ‘I don’t want to listen, I’m not interested.’ Gumaganoon talaga ako, swear. Ewan ko kung maganda ‘yun o masama. Pero sa akin talaga, kapag past, hindi ko binabalik-balikan, parang okay na ako,” dugang pa sa TV host. Samtang si Sen. Chiz miangkon nga usahay naa siya sa 9 ug duna pu’y higayon nga naa siya sa 1. “Pag wala akong magawa, nasa 9 ako. Pero madalas, nasa 1 ako,” suma pa ni Sen. Chiz. As we all know, buwag na ang Senador sa iyang asawa ug ang latest nga gika-date niya karon mao si Heart Evangelista. (Vinia Vivar/PSN)

Mercedes lakip sa delegasyon

Lakip si Mercedes Cabral nga mokuyog nila ni Direk Brillante Mendoza, Nora Aunor, Bembol Roco ug Lovi Poe aron motambong sunod buwan sa 69th Venice Film Festival alang sa entry nila nga Thy Womb (Sinapupunan).

Alvin pasok sa Top 8

Nasulod sa Top 8   sa programang Artista Academy sa TV ang igsuon ni Aljur Abrenica nga si Alvin kinsa taud-taud na pud nga nangandoy nga makasulod sa showbiz world.

Pusong Mamon

Madayon ang movie remake sa Pusong Mamon nga bidahan gihapon nila ni Eric Quizon, Lorna Tolentino ug Albert Martinez.

Denise ug Martin nakapuntos

Nakadawat og mga positibong feedback ang team up nila ni Denise Laurel ug Martin del Rosario sa Pintada.

Bela isip Magdalena

Si Bela Padilla maoy napili sa GMA-7 aron himoong bida sa afternoon series nga Magdalena nga ipasalida na karong October.

Xian dunay music video

Migama og music video si Xian Lim kung diin makita nga nagsayaw-sayaw siya sa awit nga Call Me Maybe uban sa iyang mga higala ug ang video niini gi-shoot atol sa birthday sa aktor.

Standing ovation

Ang girl group nga A.K.A. Jam nakadawat og standing ovation sa ilang first live performance show sa "The X Factor niadtong Sabado sa gabii kung diin giawit nila ang disco classic ni Cheryl Lynn nga "Got to be Real".  (BANAT NEWS)