Regine may cooking show ding gagawin

Sabi ni Ogie Alcasid bukod sa H.O.T. TV na pilot this Sunday at kung saan isa si Regine Velasquez sa host, may isa pang show sa GMA 7 si Songbird. Cooking show daw ito pero hindi pa niya nabanggit kung kailan ito gagawin.

Ayon pa kay Ogie, bagay kay Regine na mapasama sa H.O.T. TV dahil mahilig ito sa tsismis, pero naniniwala siyang walang ma-o-offend na kapwa nila taga-showbiz sa mga itatanong at kung paano magtatanong ang asawa.

Parehong busy ang schedule nina Ogie at Regine dahil may Party Pilipinas pa sila. May mga pelikula pa silang ipalalabas, siya ay ang I Do Bidoo Bidoo na showing sa August 29, at si Regine ay sa Of All The Things. Pero tinitiyak nilang hindi mapapabayaan ang anak nilang si Nate at kasama nila ang bagets sa Singapore vacation nila sa September 22 at first time nitong makikita ang mga kapatid na sina Leila at Sarah.

Alden naghubad sa pictorial

Nag-pictorial na pala si Alden Richards para sa centerfold ng September issue ng Cosmo. Hubad yata ang aktor, kaya kinailangang mag-workout bago ang pictorial at hiniram ang trainor ni Aljur Abrenica para tulungan siyang maging fit.

Tiniyak din ng GMA Artist Center na rarampa si Alden sa Cosmo Bash bilang kasama siya sa Top 10. Natupad ang dream ni Alden na mapasama sa Cosmo Bachelor, kaya tuwang-tuwa. Nangako ang kapareha nito sa One True Love na si Louise delos Reyes na itsi-cheer siya, sila ng “special someone” nitong si Enzo Pineda.

Samantala, tiyak na masaya sina Alden at Louise at buong team ng One True Love dahil sa July 23-31 nationwide TV ratings, nakakuha ito ng 37.1 percent share points. 

Aktor inililihim ang bagong karelasyon, may trauma pa sa hiwalayan nila ng singer-actress na ex

Na-interview kamakailan ang isang sikat na aktor at inamin sa reporter na may love life siya, may bago siyang GF, pero nakiusap sa reporter na ‘wag nang isulat ang tungkol dito. Para nga hindi mag-leak ang babaing bagong nagpapatibok sa puso ng sikat na aktor, hindi ito nagbigay ng clue.

Naging controversial ang break-up ng aktor sa huli niyang nobya, it was a bad break-up at hanggang ngayon, hindi pa yata naka-move on ang ex nitong singer-actress, pinalalabas lang na nakalimutan na ang aktor.

Magiging curious ang press at fans na makilala ang ipinalit ng aktor sa sikat niyang ex, pero sorry na lang dahil walang balak ang aktor na i-share ang love life niya sa publiko dahil na-trauma sa last relationship.