Sarah G sasabak sa cheerleading
MANILA, Philippines - May ultimate barkada experience si Popstar Sarah Geronimo kasama ang The Reunion boys na sina Enchong Dee, Enrique Gil, Kean Cipriano, at Xian Lim ngayong Linggo (Agosto 5) sa top-rating musical variety show ng ABS-CBN na Sarah G. Live!
Total entertainment ang hatid sa viewers ng naggagwapuhang lead stars ng pinakaaabangang comedy flick ng Star Cinema na The Reunion na ipalalabas na sa Agosto 15. Makapigil-hiningang smash-up dance number ang ihahataw nina Enchong at Enrique; samantalang nakakakilig na harana naman ang handog sa mga kababaihan nina Xian at Kean.
Samantala, huwag palampasin ang kauna-unahang cheerleading experience ni Sarah sa kanyang ‘Sige Go’ segment.
Richard at Sarah Iisa ang Hilig!
Talagang mas masarap at mas masaya ang isang adventure kapag kasama mo ang malapit sa puso mo. Patutunayan ito ng nali-link na sina Richard Gutierrez at Sarah Labahti dahil pangungunahan nila ang grupo ng Pinoy Adventures sa bago nitong timeslot na mapapanood na tuwing Sabado ng gabi simula Agosto 4.
Isang unforgettable adventure ang pagsasamahan ng dalawang Kapuso primetime stars sa paglilibot ng Pinoy Adventures sa makulay na probinsya ng Bukidnon. At dito madidiskubre na pareho pala ang hilig nila Richard at Sarah – ang outdoor at extreme sports!
Sobra raw nakakakilig nila Richard at Sarah at ang kanilang makapigil hiningang karanasan sa unang sabak ng Pinoy Adventures sa bago nitong timeslot ngayong Sabado, 6:00 pm.
Eugene Domingo, bibisita sa Pare & Pare
Hatid nina Pareng Bitoy at Pareng Ogie ang isang gabi ng katatawanan, kuwentuhan at kantahan sa Pare & Pare ngayong Linggo ng gabi (August 5)!
Isang bonggang boy-band version ng Only Girl ni Rihanna ang kakantahin nila para sa mga humahabol sa pagiging Chief Justice nominee sa hottest reality talent search, ang Battle for The Big Chief Justice Break.
Ano naman kaya ang mangyayari kung haharap sa interview ng kambal na Kyeme at Doray ang komedyanang reyna sa takilya na si Eugene Domingo? Bakit pinapakialaman ng kambal ang pangalan, talent fee at lovelife ng single funny girl? At bakit kaya nagalit si Eugene nang tanungin siya ng dalawa kung ano ang favorite color niya?
Abangan din ang mga bad weather survival tips ni Ka Tyan! dahil sa panahon ngayon dapat lahat tayo ay super ready!
Alamin din kung sino ang mananalo kina Tado at Onyok Velasco sa mga latest na Pinoy Olympic sports.
Hulaan naman kung sino ang mga celebrity politicians na may mga nahukay na pictures sa Instagrabe!
Lahat yan pati ang kantahan ng I Doo Bi Doo Bi Doo ang ihahain nina Pareng Bitoy at Pareng Ogie sa Pare & Pare ngayong Linggo ng gabi sa GMA Sunday Grande, pagkatapos ng Tweets For My Sweets.
- Latest
