Iniiwasan ng aktres ang kaibigan niya na nawiwili sa pagpunta sa kanyang bahay. Nawawala na ang privacy ng aktres kaya kapag hindi pa tumigil ang kanyang friend, iniisip niya na magsampa ng kaso bilang proteksiyon sa sarili.
Habang maaga, dapat umayos ang kaibigan ng aktres para makaiwas siya sa malaking problema.
Nagparamdam na pala si Mang Dolphy kay Zsa Zsa Padilla. Hindi lang pagpaparamdam ang ginawa ni Mang Dolphy sa kanyang lovey dahil na-sight siya ni Zsa Zsa sa CCTV sa kanilang bahay.
Hindi nakaramdam ng takot si Zsa Zsa nang makita niya sa gilid ng kanyang mga mata ang image ni Mang Dolphy sa CCTV dahil katuparan ‘yon ng kagustuhan niya.
Hindi lamang si Zsa Zsa ang naka-feel sa presence ng Comedy King. May kuwento rin ang singer na si Mystica na napanaginipan niya si Mang Dolphy at tila may gusto ito na ipahiwatig sa kanya.
Hindi ko alam kung magkakilala nang personal o nagkaroon ng pagkakataon si Mystica na makasama sa trabaho si Mang Dolphy. Basta ang sabi ni Mystica, napanaginipan niya ang King of Comedy.
Salamat Kapatid open sa public
Open sa public ang Salamat Kapatid! The All-Star TV5 Fans Day na gaganapin sa Smart-Araneta Coliseum sa Linggo, August 5.
Matutuwa ang lahat ng dadalo sa event dahil sa rami ng fun activities para sa buong pamilya. Magkakaroon ng auditions ang Talentadong Pinoy para sa mga bibo at magagaling na performers. Ipapakita sa Game ‘N Go ang lahat ng kaganapan sa SMART Araneta Coliseum.
Dadalo sa grand fans day ng TV5 ang cast ng Third Eye at Enchanted Garden. Makakasama rin ang finalists ng Artista Academy. May mga booth ang Pinoy Explorer, Kapitan Awesome, at Face to Face. Puwedeng magpakuha ng litrato ang fans, kasama ang kanilang mga favorite celebrity.
Isa sa highlight ng Salamat Kapatid! ang Celebrity Bazaar na pangungunahan nina Danita Paner, Nadine Samonte, JC de Vera, Tuesday Vargas, at Long Mejia.
Ibebenta ng celebrities ang kanilang mga pre-loved items bilang suporta sa advocacies ng Alagang Kapatid Foundation, ang beneficiary ng Celebrity Bazaar.
Barbie mga pasyente ng Children’s hospital ang kasama sa kanyang birthday
Fifteen years old na si Barbie Forteza noong July 31 pero ngayon niya ipagdiriwang ang kanyang kaarawan sa piling ng mga pasyente ng Philippine Children’s Medical Center.
Ngayon ang 32nd birthday ni Dingdong Dantes pero hindi ko pa alam ang kanyang birthday plans. Pero balitang nasa HK siya kasama ang buong pamilya at siyempre si Marian Rivera.
Kahapon naman ang birthday nina Mama Ethel Ramos at Cesar Montano kaya binabati ko sila ng “happy birthday!”