Richard grabe kung bakuran si Sarah
PIK: Consistent na mataas ang rating ng Inside Protégé na napapanood gabi-gabi mula Lunes hanggang Biyernes pagkatapos ng One True Love.
Nung nakaraang Biyernes ay nakakuha ito ng 9.1 percent sa NUTAM rating.
Kaya excited si Jennylyn Mercado na host ng segment at sana nga raw ay tuluy-tuloy na ito hanggang sa pagsisimula ng gala night sa darating na Linggo.
Bukas mapapanood ang final leg na regional audition at sa SM-Mall of Asia na ito na kung saan si Roderick Paulate ang mentor sa Metro Manila.
Dito sumali ang kapatid ni Maja Salvador at ang isang transgender na nag-confess nang mga taga-showbiz na nakarelasyon niya.
PAK: Isa si Jennylyn Mercado sa mga bagong endorser ng Bench Body at nagpa-pictorial ito ng naka-underwear.
Ayaw pang sabihin sa amin ni Ben Chan kung rarampa rin ba si Jennylyn ng naka-panty at bra lang sa Bench Universe fashion show sa Sept. 13 at 14.
Ang isa pa palang bagong endorser at kasali rin sa malaking fashion event na ito ng Bench ay si Jennifer Sanchez. Siyempre hindi Bench Body ang i-endorse niya.
BOOM: Ayaw kumpirmahin ni Annabelle Rama na sina Richard Gutierrez na nga at Sarah Lahbati.
Pero malakas ang kutob niyang meron na talagang namamagitan sa dalawa dahil dito lang niya nakikita kung paano makabakod ang anak niya kay Sarah.
Kuwento pa ng mga staff ng Makapiling Kang Muli, hindi nali-late si Richard sa taping nila lalo na kung kasali sa eksena si Sarah.
Hindi ito umaangal kahit inuumaga ng taping basta kasama lang sa set si Sarah.
Sabi nga ni Tita Annabelle, masaya siya kung girlfriend na nga ng anak niya si Sarah. At least kasi ay nagbibigay inspirasyon daw ito sa binata.
Ayaw na nga ni Richard na magsalita pa tungkol sa relasyon nila ni Sarah, kaya napapagdudahan tuloy na sila na nga.
- Latest
