CEBU, Philippines - Hugot nga gihimakak sa sikat nga Canadian singing sensation nga si Carly Rae Jepsen ang report nga matud pa duna siya'y sex video.
Si Carly maoy nagkanta sa hit song nga "Call Me Maybe."
Nasayran nga dunay mikatap sa internet ang giingong sex video ni Carly apan iyaha kini nga gihulagway nga peke .
"Crazy morning. Discovered that someone put up a sex tape claiming to be me. Ridiculous. Obviously not me," mensahe pa ni Carly nga gi-post sa iyang Twitter account.
Bisan pa man sa maong isyu, malipayon karon ang singer sa kalampusan sa awit niya nga "Call Me Maybe" nga matud pa nga unom na ka semana karon nga nag-una sa US Music Billboard.
Mariah kumpirmadong hurado sa AI
Naghinam-hinam na pag-ayo ang pop diva nga si Mariah Carey sa pagsulod niya sa reality singing competition sa US nga American Idol.
Nasayran nga gikumpirmar sa Fox network nga mahimong hurado ang Grammy-winning singer sa American Idol Season 12 magsugod karong January 2013.
Suma pa sa Fox entertainment chief nga si Kevin Reilly nga si Mariah maoy labing "bigatin" nga recording artist nga hurado sa mga kasamtangang talent shows sa US.
Matud pa nga kasagaran sa mga contestants ang mipili isip contest piece ang hit songs sa singer.
Nagmalaumon ang management sa American Idol nga makatabang ang star power ni Mariah aron motaas pa og maayo ang audience share niini
Si Mariah gikuha isip hurado human mibiya sa maong show sila si Steven Tyler ug Jennifer Lopez. (Gikan sa wires)
ISHINE LUKAS to 2366.
Usa ka garbo sa Siyudad sa Sugbo partikular diha sa Barangay Mabolo ang nanghangyo karon sa mga Sugbuanon aron suportahan ang "Acoustic Kid ng Cebu" nga si Lukas Enrique Suarez Magallano kinsa naghinam-hinam na alang sa grand finals sa The Promil IShine Talent Camp sa ABS-CBN karong Sabado sa buntag.
Nag-inusara lang nga finalist gikan sa Visayas si Lukas ug ang talento niya sa pag-arte, pagsayaw ug pagkanta maoy nagganoy kaniya aron mahiabot sa maong kompetisyon.
Ang amahan ni Lucas nga si Luther Michael misaysay dinhi sa Banat News Hugyaw nga 12 ka finalists ang magtigi sa grand finals karong Sabado ug hinas-hasan kini gikan sa 50 ka semi-finalists.
Matud pa ni Luther nga si Lukas lang ang walay titulo sa mga kaubanan niini nga finalists.
"Ang ubang finalists kay nakaapil na og ubang mga contests, ug first time ni Lukas nga moapil og mga ing-ana nga competition," matud pa ni Luther.
Wala magdahom si Luther nga makasalmot sa maong kompetisyon sanglit kalit-kalit lang ang pagpa-audition niini sa unang bahin karong tuiga.
"Niadto mi og Park Mall kay naa mi paliton nga gift kay mo-attend mi og birthday party. Pag-abot namo sa mall, dunay area didto nga dunay stage ug dunay mga tawo nga nang-invite og mga bata nga magpa-audition sa I-shine, mao tu giingnan nako si Lukas ug nisugot dayon siya," dugang pa ni Luther.
Matud pa ni Luther nga sa bisan sa kadaghan activities sa I-Shine, wala gyud kapuya si Lukas gumikan kay duna kini determinasyon nga makat-on.
"Other than his physical gifts, Lukas is a quick-learner and is very coachable. Fuelled by his desire to win, we're sure he's willing to work harder than the rest," say pa ni Luther.
Wala sa huna-huna ni Luther kaniadto nga pasudlon sa showbiz si Lukas apan gumikan sa pag-apil sa bata sa I-Shine, bukas siya kung dunay mga maayong opurtunidad nga madawat si Lukas.
Mapasigarbohong gipahibalo ni Luther nga kanunay nga makapasar si Lukas sa mga pre-activities sa maong kompetisyon busa dako ang iyang pagsalig nga makasungkit og titulo ang iyang anak sa I-Shine.
Ang botasyon motak-op karong Sabado sa alas 8 sa buntag busa suportahi na si Lukas pinaagi sa pag-type og ISHINE LUKAS ug ipadala sa 2366.
Nagkanayon si Luther nga dako kaayo ang matabang sa text votes sanglit ang criteria naglangkob sa 60% alang sa performance nila sa nagkadaiya nga workshops (singing, dancing, hosting) ug 40% alang sa text votes. (Sanden Anadia)
Happy birthday Dolphy
Manila, Philippines --- Karon ang birth anniversary ni Mang Dolphy ug kung buhi pa kini, 84-years old na siya. Birth anniversary ang tawag sa birthday sa usa ka tawo nga mipanaw na. Isip pagtamod sa birth anniversary ni Mang Dolphy, subling nagpamisa si Zsa Zsa Padilla ug ang mga anak sa Comedy King.
Inigkagabii , adunay dinner nga giandam si Willie Revillame alang sa pamilya ni Mang Dolphy.
Rustom mabanhaw
Gipatay na ni BB Gandanghari si Rustom Padilla apan banhawon kini sa Enchanted Garden, ang eco-fantasy sa TV5 nga magsugod karong Lunes.
Mahimong buhi si Rustom sa Enchanted Garden gumikan kay modala isip lalaki si BB. Pamatud-an ni BB nga versatile actress siya. Ipakita ni BB sa "madlang-bayan" nga kaya gihapon niya nga modala sa papel nga lalaki.
Bongga nga design
Dunay mga nangutana sa pangalan sa fashion designer nga nagmugna sa gisuot sa mag-inahan ug anak nga sila si Lani Mercado ug Inah Del Rosario sa SONA ni P-Noy niadtong Lunes.
Si Rajo Laurel ang designer sa outfit sa kongresista sa Bacoor City ug sa iyang anak. "Pinoy na Pinoy" ang design niini nga gihaom ni Rajo sa okasyon. (Lolit Solis. PSN)
Proud Hot Mama!
Manila, Philippines--Bisag anakan na, daghan gihapong maghandum kang Denise Laurel ilabi na sa iyang bag-ong proyekto sa ABS-CBN ang Precious Hearts Romance Presents Pintada, diin magpa-sexy siya og maayo, sa istorya kabahin sa panaghigugmaay sa usa ka maestro ug estudyante. Si Martin del Rosario ang midala sa papel nga estudyante.
Bisan dili siya kumportabli sa titulo nga Hot Mama, andam na kaayo si Denise nga hangupon kining maong tawag sa publiko kaniya pagkakaron.
"I would like to be ( a Hot Mama)! I want to show women, specially dito sa Pilipinas na hindi porke't mommy ka na, 'Ay nabuntis na 'yan! Laspag na 'yan! Wala na 'yan! Hindi naman 'yan puwede!'
"No! Having a child is a beautiful thing coz…Fulfilling as a woman. That's your purpose. That's why you're here! God made you to be here. Create human being is a good gift. And it opens your eyes.
"So feeling ko, siguro, kaya ang saya-saya! And I would like to be called a Hot Mama. Compliment 'yon sa akin. Kasi nga I want to show woman that just because you have a child, it doesn't mean that you have to regret! You should be happy. Love yourself! Kasi nagawa mo 'yon. Men can't do that! Be proud!" ni Denise pa, kinsa makita sa Pintada sa Channel 2 sa dili pa ang Aryana. Jun Nardo/PSN
Raymond gikulbaan ug naghinam-hinam
Manila, Philippines --- "Celebrity-cross over" ang segment ni Raymond Gutierrez sa H.O.T. TV, nga magsugod karong August 5 sa GMA-7. Kaya niya ang segment gumikan kay komportable siya sa masa. Ipasundayag matud pa niya ang segment nga dili lang puros tsismis ang dating.
"When I was offered to be part of the show, sabi ko, the network is brave dahil iba ang concept, this is another first, 'di lang showbis ang scope, malawak siya. Personally, nenenerbyos ako for the show dahil kakaiba, pero magaling si direk Rico Gutierrez at magaling ang staff namin, kaya namin ito. Excited na may halong kaba," nagkanayon si Raymond.
Teleserye na lang ang dili mahimo ni Raymond gumikan sa ka taas nga maghuwat sa taping. Dili pud siya segurado kung dawaton ba niya ang offer sa GMA Films nga mag-cameo sa MMFF entry nga Co?o Poblem
Samtang gikumpirmar ni Raymond nga siya ang newest Bench/FIX endorser ug duna pa siya'y product endorsement sa Uniliver nga pang-paguwapo. Mikomedya kini nga kung kabalo pa lang siya nga mahimo siya nga endorser . kinahanglan nga kaniadto pa lang, nagpaniwang na siya. Apan tsika pa ni Raymond nga mas adunahan pa kaniya ang iyang twin brother nga si Richard.
Claudine balik- trabaho na
Mahimo na matud pa motrabaho si Claudine Barretto gumikan kay midaot na kini ug nabantayan kini sa mga tawo nga nakakita kaniya sa dihang mibilar kini kaniadto sa haya ni Dolphy sa Heritage Park. Giingong dunay panagtigom puhon sila si Claudine ug Mr. Vic del Rosario.
Panahon na nga matud pa mobalik sa trabaho si Claudine gumikan kay gimingaw na kaniya ang iyang fans. TV show ug pelikula ang istoryahan nila ni boss Vic ug sa tinuod lang, taud-taud nga gihisgutan ang subling pagama niini og pelikula. Hopefully, si Mark Anthony Fernandez lang gihapon ang makauban ni Claudine sa Viva Films movie.
Concert ni Regine madayon na gyud
Adunay major concert si Regine Velasquez sa November 16, sa SM Arena nga nag-ulohan og Silver ug sa presscon sa H.O.T. TV, si Rowell Santiago ang gihangyo niya nga modirek sa iyang anniversary concert.
Giingong sa miaging tuig pa unta ang maong concert dungan sa 25th anniversary niya sa showbiz apan wala lang madayon gumikan sa iyang pagpanganak.
Gumikan kay mao man kini ang pagbalik niya sa showbiz gituohan nga bongga ang maong konsyerto. (Nitz Miralles/PSN)
Ron Landy: “Just Enjoy”
Bisan sa kadaghang mga disc jockey ang misulbong karong panahona, wala gihapon mahupas ang popularidad sa DJ sa MOR 97.1 Lupig Sila nga si Ron Landy.
Nagsugod si Ron Landy isip usa ka regular caller sa DYAC niadtong 1994 ug naabot ang panahon nga nahimo siya nga spinner sa maong istasyon hangtud nahimong usa ka disc jockey gumikan kay nabantayan sa iyang mga kaubanan kaniadto nga dunay tinagoang hiyas ang iyang tingog. Mahiligon gyud nga maminaw og musika si Ron Landy sanglit usa kini sa makapawala sa kalaay.
Niadtong listener pa lang siya sa radio, dakong kalipay na ang iyang bation kung makadungog siya nga ipatukar ang mga paborito niya nga kanta.
Nahimutang sa ikaduhang puwesto si Ron Landy sa ikatulo nga season sa My Favorite DJ (MFD) segment sa Banat News Hugyaw.
Tsika pa ni Ron Landy nga ang ka maayo niya makighugoyhugoy sa mga tawo maoy rason nga nagdugay gyud siya sa radio industry.
"Datu man o pobre, kinahanglan nga managad gyud ka sa mga tawo (listeners)," matud pa ni Ron Landy.
Gradwado siya sa kursong Bachelor of Science in Marine Transportation apan nagmalipayon siya sa iyang pagka-DJ hinungdan nga iya na lang gyud kini nga gipadayon. Nasayod siya nga dunay mga trabaho nga puwede niya nga kadangpan apan gipatigbabaw gyud niya ang prinsipyo sa iyang kinabuhi nga kinahanglan nga pilion ang usa ka butang nga makapalipay kaniya.
Dakong pahiyom ang molutaw sa panagway ni Ron Landy kung makadungog og mga positibong feedback sanglit nagpasabot kini nga pabiling gihangop sa katawhan ang paghatag kaniya og kalingawan.
Importante kaayo alang kaniya ang mga listeners busa moabi-abi gyud siya sa mapahiyomong pamaagi kung dunay mo-greet atol sa iyang mga programa. Gitagaan og bili ni Ron Landy ang mga listeners sanglit mao kini ang rason nganong pabilin siya nga nagtingog sa kahanginan. Mensahe pa niya sa mga tawo nga gusto mahisama kaniya," Dapat magpaubos ka, ug dapat impress your family first before other people. Just enjoy," matud pa ni Ron Landy.
HUGYAWnatics ASK
Hugyawnatic: Unsay sekreto sa usa ka station para moangat ? From Martha Gabisan of Toledo City 09073196***
Ron Landy: Just play the right songs at the right time.
Hugyawnatic: Uso na ron ang mag-over da bakud , what if oferan ka og mas dako sa laing station, magpabilin ba ka nga loyal sa LS o i-grab na lang nimo ang opportunity? Jonas Canque of Bohol 09222702***
Ron Landy: I will always be loyal sa company nga nagbuhi sa akong family. To be honest guys, wala ko kaila anang gitawag nga "offer".
Hugyawnatic: Ron Landy, pareho ra mo suweldo sa mga artista? Sikat mangud mo, hehehe more power .. Nel of Barangay Apas 09224746***
Ron Landy: Sakto ra makabuhi sa akong manok hiniktan. Joke
Hugyawnatic: Kinsa nga DJ ang maisip nimo nga ka kompetensya ? From Arce of Naga City 09064191***
Ron Landy: Walay kumpetensya, mao nay kahagbaan sa atong career. Naa koy gi-idolo nuon si Boy Valentine & Bob Cola!
Hugyawnatic: Unsa imo favorite pastime? Charmaine of Sogod, Cebu 09222653***
Ron Landy: Playtime with my kids, duwa og computer ug ang pinaka- alegre mao ang mag sabong og manok.
Hugyawnatic: Hi Ron Landy, nindota gyud nimo og voice uy, pila imo edad ?.. Rina of Barangay Lahug 092147321***
Ron Landy: Basta March 26, 1976 ang akong birthday, hehehe.
Hugyawnatic: Unsa mga things nga makapa-turn off nimo sa usa ka girl? Linie of Naga
Ron Landy: Kanang kusog muhatag og food.
Time slots:
(Mon.-Sat.)
11am to 1pm "Sayaw Ta Lupig Sila"
4pm to 5pm - "Tingog Bisaya" (Bisrock Songs)
5pm to 6pm - "Mix of Rock"
(Sunday)
\(11 am tp 1pm) - (1pm to 5pm)