Koneksiyon gagamitin daw, Kris 'sisiguraduhin' ang panalo ni Gov. Vi sa 2012 Outstanding Public Officials

Seen : Hindi na naitago ni Sarah Geronimo ang nararamdaman niya para kay Gerald Anderson.

Naging demonstrative si Sarah kay Gerald sa guesting nito sa Sarah G. Live! noong Linggo ng gabi.

Scene : Walang fanfare ang pagdating kahapon sa bansa ni Nonito Donaire, Jr..

Katulad ng dati nakikisawsaw na naman sa mga interview niya ang misis na si Rachel.

Seen : Si Batangas Governor Vilma Santos-Recto ang nag-iisang babae na finalist sa 2012 Outstanding Public Officials and Employees ng Civil Service Commission.

Pararangalan sa Malacañang Palace sa September ang mga mananalo.

Scene : Nagbiro si Kris Aquino na tatawagan niya si Secretary Jojo Ochoa para matiyak ang panalo ni Vilma.

Si Ochoa ang Executive Secretary ni President Noynoy Aquino.

Seen : Ang request sa ABS-CBN ng fans ng Kahit Puso’y Masugatan na ilipat ito sa maagang timeslot upang mas marami ang makapanood ng primetime teleserye nina Iza Calzado, Andi Eigenmann, Jake Cuenca, at Gabby Concepcion.

SEEN : Si Boy Abunda ang escort kahapon ni Kris Aquino sa SONA ni P-Noy.