Jennylyn nag-sexy pictorial para sa Belo ug Bench

Manila,Philippines --- Pipila ka semana na matud pa nga wala nagpakita si Patrick Garcia sa anak nila ni Jennylyn Mercado nga si Alex Jazz. Dihang gipangutana si Jennylyn kabahin niini, nagdumili kini pagsulti kay dili matud pa siya buot nga mahimo kining sinugdan sa isyu tali nila ni Patrick. "Ayoko na lang magka-isyu pa. Ayoko ng negative. Basta okay naman si Jazz," niya pa, dihang nahinabi sa pictorial niya para sa Belomed kagahapon. Dihang gipangutana, unsaon niya pagtubag iyang anak kung mangita kini sa iyang daddy, ambot ang tubag ni Jen. "Ewan ko po. Basta ayoko na lang magsalita." Puno na kaayo ang schedule ni Jennylyn, busa kuwang pud siya sa oras para sa iyang anak, busa usahay iya kining dad-on kung sa GMA studio lang siya mag-taping. Sexy ang pictorial ni Jennylyn sa Belomed sanglit skin care ang bag-ong endorsement niini. Nag-pictorial pud siya sa Bench isip additional endorser karon sa Bench Body. First time matud pa niyang nag-pictorial nga nag-underwear ug medyo may pagka-daring kini.

“HOT T.V.” sugdan karong August 5

Gawas sa mga balita sa showbiz, aduna pu’y segments nga mohisgot og mga linahi nga personalidad ug mga dili ordinaryong istorya ang bag-ong programa sa GMA-7 nga “HOT T.V.”

 Magsugod ang maong programa karong August 5 kung diin ang mga hosts niin naglangkob nila ni Raymond Gutierrez, Roderick Paulate, Jennylyn Mercado, ug Regine Velasquez-Alcasid

 Giingong ang mga hosts mohimo usab og mga diskusyon sa nagkadaiyang mga isyu ug ubos kini sa direksyon ni Rico Gutierrez.

 Human sa usa ka tuig kapin nga mipahuway sa telebisyon, naghinam-hinam na si Regine sa iyang pagbalik sa showbiz ug excited na kaayo siya sa mga kaubanan niya nga hosts.

“This is something new for me and I’m really looking forward to the new concept and segments of HOT T.V. Excited ako na marinig ang iba’t ibang opinyon naming apat,” matud pa ni Regine.

 Samtang si Raymond mapasalamaton sa GMA-7 sa labing bag-o nga proyekto nga iyang naangkon ug dakong hagit alang kaniya isip TV host ang nahisgutang programa.,

“Lahat ng trending topics pag-uusapan dito. Another new concept and new set of hosts kaya exciting para sa akin. This show will really elevate me as a host. Panibagong pagsubok para sa akin,” saysay pa ni Raymond.

'Prime-Tanghali' King and Queen

'Prime-Tanghali' King and Queen na karon ang tawag sa mga bida sa instant hit 'kilig-serye' sa ABS-CBN nga "Be Careful With My Heart" nga sila si Richard Yap ug Jodi Sta. Maria.

Basi sa labing uwahing datos sa Kantar Media niadtong Huwebes (Hulyo 19), nagpabiling no.1 daytime TV program sa nasud ang "Be Careful With My Heart" nga naghupot og all-time high national TV ratings nga 21.7%. Ang bag-ong kaatbang niining programa sa GMA nga "The Baker King: The Big Return" nakakuha lang og 7.1%. Sa samang adlaw, nag-number 5 na ang Prime-Tanghali romantic-comedy series sa overall top TV programs sa tibuok nasud. Suma pa ni Richard, nga naila na karon sa mga viewers isip ang negosyanteng biyudo nga si 'Mr. Lim,' labihan ang iyang pasalamat sa Diyos nga nagmalampuson ang ilang programa. "Sa lahat ng TV viewers at sa mga nanonood online, thank you so much for all your support. Laking pasasalamat namin na tinatangkilik niyo kami sa 'Prime-Tanghali' timeslot," malipayong pamahayag ni Richard. "Masayang-masaya kami sa mataas na ratings ng show at alay namin ang success na ito sa lahat ng fans na ginawa kaming no.1." "Sa palagay ko, gusto ng tao ma-entertain at mapangiti sa pagsisimula ng araw nila at maswerte kami na nahanap nila 'yun sa aming show na may perfect mix ng comedy, romance at true-to-life story,' dugang pa ni Richard. Lakip sa “Be Careful With My Heart” sila si Aiza Seguerra, Mutya Orquia, Sylvia Sanchez, Divina Valencia, Gloria Sevilla, Pen Medina, Robert Ortega, Kalila Aguilos, Paul Jake Castillo, Micah Munoz, Janella Salvador, Jerome Ponce, JM Ibanez, Sunshine Garcia, Vivieka Vivieka, Tart Carlos, Twinkle Dy, Antonette Garcia, Nick Lizaso, ug Sunshine Cruz.