Tragic ending

Manila, Philippines --- Wala kahay magselos sa giingon ni Louise delos Reyes nga normal na lang para nila ni Alden Richards ang maghawok sa One True Love? Dali kaayo kining mitubagnga managsama silang duha og lami sa ngabil kay nag-share sila og breath drops nga spearmint ang flavor. Sama ni Alden, tragic pud ang gustong ending ni Louise sa love story nila sa One True Love para mas mahinumduman sa viewers. Gipaniguro niini nga mas maluoy ang tawo sa mahitabo sa karakter niyang si Elize gumikan kay takbuyan man kini og grabeng sakit.

 Hot TV puli sa SC

Kagahapon ang scheduled pictorial sa hosts sa Hot TV, ang Sunday show sa GMA-7 nga ihulip sa Showbiz Central ug mag-pilot sa first Sunday sa August. Sila si Roderick Paulate, Regine Velasquez, Jennylyn Mercado ug Raymond Gutierrez ang hosts. Ikatulong show na kini ni Roderick sa Ch. 7 gumikan kay may Tweets for My Sweet pa siya ug dili pa siya mubiya sa sitcom gumikan kay malipayon silang tulo ni Marian Rivera ug Nova Villa panahon sa taping. Mentor pud siya sa Protégé: The Battle for The Big Artista Break ug kay Sunday man ang airing niini, katulo siya makit-an sa telebisyon sa maong adlaw. Ang masulti lamang ni Roderick niining tanan, “God is good!” Gikan sa Guam si Roderick, gikuyog siya ni Quezon City Vice-Mayor Joy Belmonte ug QC council para sa renewal of memorandum of understanding between QC and Guam. Nakaapas pa gyud siya sa lubong ni Dolphy. Okay si Roderick bisan gisuspenso siya sa Ombudsman ug giisip na lamang niya nga napulitika siya sanglit nagsingabot na ang filing of candidacy para sa 2013 elections. Malaumon siya nga mahusay na ang tanan ug makapadayon siya sa pagserbisyo sa iyang mga constituents. 

Grabe makapamalikas

Sa wala pa ang screening sa mga Mga Mumunting Lihim, namulong na si direk Joey Reyes nga makugang kami kang Janice de Belen ug tinuod gyud nga makahugyaw ang iyang karakter nga si Olivia nga grabe kun makapamalikas with matching hand gestures pa. Hilom ang pelikula, sila si Janice ug Agot Isidro ang nagpasaba. Sa Cinemalaya makita ang Mga Mumunting Lihim nga nakadawat og PG-13 rating sa MTRCB ug may commercial screening sa August 22. Makita pud si Janice sa horror film nga The Healing sa Star Cinema sa July 25, sa direction ni Chito Roño ug bida si Vilma Santos. Murag bawion ni Janice sa mga horror queen (s) karon ang nasabing title gumikan sa Shake, Rattle & Roll 14 apil pud siya. Nitz Miralles/PSN