Eat Bulaga- Indonesia nagsugod na!

CEBU, Philippines - Gisugdan na sa alas kuwatro sa hapon kagahapon (Jakarta time) ang Eat Bulaga! Indonesia. Gipalit sa SCTV (Surya Citra TV) Indonesia ang franchise sa 33-year-old Philippine noontime show aron malantawan kini sa tibuok Indonesia. Duha ka buwan na ang milabay sa nahitabong panagtigom alang sa franchising, ug June matud pa nahitabo ang deal.

Matud pa ni Harsiwi Achmad, director for programming sa SCTV, lima ka tuig na gusto nila nga mahinabi ang Eat Bulaga! Manila.

Busa dako kaayo ang ilang kalipay nga nadayon gyud ang transaksyon. Pipila usab ka adlaw nga nag-dry run ang Eat Bulaga! Indonesia ug tanan nakahan-ay gikan sa set, theme song ug tanang segments, lakip na ang "Pinoy Henyo" nga ang tawag nila kay "Indonesia Pintar." Aduna pud sila’y version sa Jose-Wally-Paolo alang sa version nila sa "Juan for All." Naa pud sila’y bossing nga ginganlan og Uya Kuya. Gitawag nila kini og Boss Uya. Samtang "bulagang" usab ang version nila sa tagline nga "Dabarkads." Suma pa ni Tony Tuviera sa TAPE, Inc., ang producer sa Eat Bulaga! nga usa kini ka historical event nga dili lang alang sa TAPE ug sa   show.   kung di lakip na usab ang tanang Pinoy gumikan kay usa ka milestone nga mahimong international franchise ang iconic show.

Superstar nangutang og P10K?

Mainitong gihisgutan karon sa showbiz ang pagpangutang matud pa sa Superstar nga si Nora Aunor sa usa sa kauban namo sa panginabuhian sa Las Vegas. Nakadawat og text message ang kauban sa panginabuhian nga usa ka lady columnist gikan matud pa ni Ate Guy ug mangutang pa kini og 10 thousand pesos. Pila ka higayon nga gisegurado kung si ate Guy ba gyud ang ka-text niya ug iya gyud nga naseguro nga ang Superstar ang iyang ka-text gumikan sa pipila ka mga pribado nila nga gihisgutan nga sila ra ang nakahibalo. Number matud pa ni La Aunor sa Las Vegas ang gigamit sa pag-text sa kolumnista apan duna gyud mga pangutana kung siya ba gyud ang nag-text. Sa katapusang bahin kay naimbiyerna matud pa ang ka-text kung mapadalhan ba siya og 10 thousand o dili. Mitubag usab ang reporter, “Maghahanap po”. Apan ang pangutana karon   kung si Guy ba gyud ang ning-text, ug nganong nangutang man siya? Asa matud pa napunta ang milyones nga gibayad kaniya sa TV5 ug lakip na ang kita niya sa El Presidente ni Gov. ER Ejercito?

Kana ang million dollar questions karon sa showbiz nga kinahanglan nga klarohon ug tubagon ni ate Guy. (Vinia Vivar/PSN)