SEEN: Bumaba ang blood pressure ni Zsa Zsa Padilla sa huling gabi ng lamay para sa labi ni Dolphy.
Pinagpahinga si Zsa Zsa upang ma-regain ang kanyang lakas.
SCENE: Worldwide trending topic sa mga social media ang libing kahapon ni Dolphy.
SEEN: Pansamantalang inihinto ang regular programming ng mga TV network dahil binigyang daan ang live coverage ng libing ni Dolphy.
SCENE: Binigyan ng standing ovation si Dolphy nang isara ang kanyang kabaong, kasabay ang pagpapalipad ng mga puting kalapati.
SEEN: Bumigay si Eric Quizon sa araw ng libing ng kanyang ama dahil tuluyang pumatak ang luha niya.
SCENE: Agaw-eksena si Madame Auring sa libing kahapon ni Dolphy sa Heritage Memorial Park. Wala sa listahan ang pangalan ni Madame Auring sa mga imbitado sa private burial ni Dolphy.
SEEN: Amateur anchoring ng ginawa ni Alvin Elchico sa libing ni Dolphy. Nagpakita ng pagkagulat ang newscaster dahil may “gulong” ang kabaong ni Dolphy habang inihahatid ito sa huling hantungan.
SCENE: Ipinalabas kagabi ng TV5 ang Rosario bilang tribute kay Dolphy. Ang Rosario ang huling pelikula na ginawa ng Comedy King.
SEEN: May report ang Showbiz Central na ang ex-beauty queen na si Evangeline Pascual ang nagbenta kay Dolphy ng bronze casket nito.