Manila, Philippines --- Nakagawas ra dayon sa St. Luke’s Hospital si Jolina Magdangal human siya gidala sa maong tambalanan dihang nadagma siya sa stage sa Party Pilipinas adtong Domingo. Ang iyang lower back maoy naigo dihang nahagba siya busa gidala na lang siya sa tambalanan para makasiguro. Wala na siya nahinayon sa Party Pilipinas ug wala na pud siya nahinayon sa final selection sa Protégé: Battle of Biggest Artista Break. Nadismaya si Jolens sa higayon kay apil unta siya sa opening sa Party Pilipinas, ug may pipila pa siya ka production numbers nga gipraktis.
Jackie nalain ni Sam
Nasakitan si Jackie Rice sa giingon ni Sam Pinto nga daw may paglaum na ang uban sa Sexiest Women sa FHM sunod tuig kay dili na niya kini i-career. “Nung una, na-hurt ako dun. Lahat naman may chance di ba? Nagulat lang ako na ganun pala ang eksaktong sinabi niya. Pero sagot niya ‘yun eh. No comment na lang ako. “Hindi lang naman para sa akin iyun kundi sa iba pang artista kasi ginawa naman namin ang best namin dun,” nagkanayon ang young actress.
Barbie kever na ni Joshua
Nakita namo si Barbie Forteza sa GMA Network ug gipangumusta namo ang iyang ka love team nga si Joshua Dionisio. Naguol kami sa tubag niining “ewan ko” kay buot pasabot wala na silay kumunikasyon. Wala puy comment ang young actress sa isyung mulayas na sa GMA-7 ang ka-love team. Gipahibawo ni Barbie nga nagpadayon na ang taping nila ni Bea Binene para sa Luna Blanca diin sila maoy mudala isip dalagitang Luna ug Blanca. Sa July 16, musulod ang mga karakter nila ug kun wala mi masayup, two months sila nga makita sa dili pa sila hulipan nila ni Heart Evangelista ug Bianca King. Nitz Miralles/PSN