BFF ipadayon sa GMA

MANILA, Philippines - Hapit na mawala ang karakter nila ni Jillian Ward ug Mona Louise Rey sa Luna Blanca gumikan kay pasulod na ang second phase sa storya. Hulipan na sila ni Bea Binene ug Barbie Forteza isip mga dalagang Luna ug Blanca. Matud pa nga nagka-close na og maayo sila si Jillian ug Mona bisan off-cam. Matud pa nga ipadayon gihapon sa GMA-7 “BFF” nga unta ang una nila nga buhaton nga nakanselar gumikan kay giuna ang Luna Blanca. Ang maoy ihulip BFF sa usa mga afternoon series sa GMA.

Carl ngadto kang Kris: “Sana, sagutin mo ako”

Nahimout ang press kang Carl Gueverra gumikan kay wala gyud kini mo-deny sa report nga nangulitawo kini kang Kris Bernal. Wala gyud siya madunggi nga miistorya og “we’re just friends” nga maoy drama sa kadaghanan nga nali-link. Sa dihang amo siya nga nahinabi, two weeks pa lang siya nga nangulitawo ug wala pa siya kabisita sa balay sa aktres. Dugay na diay siya nga nagplano nga panguyaban si Kris, apan wala dayon niya buhata isip respeto sa team-up niini kaniadto kang Aljur Abrenica. Malipayon ug inspired ang state of mind ni Carl sukad nanguyab siya kang Kris.   “Sana, sagutin niya ako, pero ayaw kong madaliin. Gusto kong makilala namin ng husto ang isa’t isa. Ayaw kong isekreto ang panliligaw sa kanya, kung may mahal akong tao, hindi ko isesekrato,” nagkanayon si Carl. Samtang, special education teacher ni Angelica Montenegro (Crystal Reyes) ang role ni Carl sa Hindi Ka Na Nag-iisa.