Ate Guy apektado, Direk Mario O'hara namatay na!

PIK: Ipinagkibit-balikat na lamang ni Alden Richards ang napabalitang ina­amin ni Enzo Pineda na nagseselos siya sa sweet moments nila ni Louise delos Reyes sa One True Love.

Sabi ni Alden, wala talagang dapat ipag-alala si Enzo dahil alam naman nito ang lahat.

Naging close sila lalo ni Louise sa taping ng One True Love pero talagang close friends lang na hindi na kailangang ipagselos ni Enzo.

Napapag-usapan nga nila ni Louise ang tungkol sa relasyon nito kay Enzo at masaya ang aktres dahil maganda ang kanilang relasyon at wala naman silang problema.

PAK: Hindi rin nagpaawat si Annabelle Rama, panibagong kaso naman ang isinampa niya sa Pasig Prosecutor’s Office kahapon ng hapon.

Si Ynna Asistio naman ang idinemanda nito ng forgery dahil sa siya ang pumirma sa kontratang dapat ang nanay na si Nadia Montenegro ang pu­mirma.

Ginaya ni Ynna ang pirma ni Nadia kaya kinasuhan siya ni Annabelle ng kasong forgery.

As of presstime, wala pa kaming nakukuhang reaksiyon mula kay Nadia at Ynna.

BOOM: Sumakabilang buhay na ang batikang actor/director na si Mario O’ Hara pagkatapos itong isinugod sa ospital dahil sa matagal na pala niyang sakit na leukemia.

Ayaw ipasabi ni Direk Mario kung saang ospital siya dahil ayaw niyang ga­wing showbiz issue pa ang kalagayan.

Bandang huli na lang nalaman na sa San Juan de Dios siya naratay at doon na rin namatay.

Ang isa sa sobrang apektado sa pagpanaw ni Direk Mario ay si Nora Aunor na isa sa pinakamalapit sa kanya.

As of presstime, hindi pa na-announce kung saan ibuburol si Direk Mario.

Ang amin pong taos-pusong pakikiramay sa pamilyang naiwan ni Direk Mario.