CEBU, Philippines - Ang GMA-7 mipahibalo nga aduna na sila’y resident meteorologist nga ginganlan og “Mang Tani” Cruz ug maoy motunol sa balita sa dagan sa panahon sa mga programang 24 Oras ug Unang Hirit. Ang GMA-7 maoy nag-inusara nga TV network sa Pilipinas nga dunay kaugalingong meteorologist. Si Mang Tani nagsilbi og duha ka tuig isip meteorologist sa Bureau of Meteorology didto sa Australia ug kanhi deputy administrator usab siya sa PAGASA. Mopaambit usab sa iyang kaalam ang weather analyst nga si Karen Cardenas. Si Cardenas kinsa maoy nagpaluyo sa sikat nga blog ug Facebook page nga K’s Weather and More ug giingong kabahin kini sa programa sa GMA News Public Service nga gitawag og “I M Ready,” aron sa paghatag og weather update sa katawhan ug makapangandam dayon ang mga tawo kung maglain ang dagan sa panahon.