Papa Chen at Jodi isasabak sa tanghali

Hindi ko pa alam kung ano ang kahihinatnan ng magiging pagtatambal nina Jodi Sta. Maria at Richard Yap (Papa Chen sa Binondo Girl) pero parang may promise, ’di ba? Sana nga kagatin ang tambalan nila.

At this point in Papa Chen’s career, kailangan niya ng isa pang kapareha na tulad nun ni AiAi delas Alas. I believe isang family drama ang  gagawin nilang Be Careful With My Heart. At balitang ilalagay ito sa tanghaling timeslot.

Paano na ang mga programa nilang napapanood ngayon?

Carmina walang naging problema sa mga dating Kapamilya

Maganda ’yung naging pagkikita nina Carmina Villaroel at Rommel Padilla sa presscon ng Lorenzo’s Time. Kapani-paniwala ’yung sinasabi nilang okay naman sila at walang pinagkagalitan. Walang magiging problema sa pagsasama nila sa trabaho sa serye na pagbibidahan ni Zaijian Jaranilla who should be thankful dahil ang lahat halos ng makakasama niya sa bago niyang serye ay pawang mga humahanga sa kanyang kakayahan. Kaabang-abang ’yung isang love story between a boy (Zaijian) and a grown up woman (Carnina). Sa ginawang pagtulog ng napakahabang panahon ng character ni Zaijian napag-iwanan na siya ng panahon. Paano niya pakikiharapan ang dati niyang girlfriend at paano siya kikilos sa makabagong panahon na aabutan niya?

Interesting din, ’di ba?

Aiza may tenga sa magaling kumanta

Kapag magaling ang isang artista anumang role ang gampanan niya, lalabas ang pagiging mahusay niya. Hindi si Aiza Seguerra ang pinaka-star sa stage musical na Rock of Ages pero umaagaw siya ng pansin dahil sa magandang pagganap niya ng kanyang role na bukod sa maganda niyang naipapamalas sa pamamagitan ng pagkanta at pagsayaw, naiaarte rin niya ito ng mahusay na talaga namang hinangaan ng mga nakapanood.

It seems Aiza will always be the best graduate of Little Miss Philippines kahit ang current winner nito na ang pangalan ay katunog din ng Aiza ay malayo rin ang mararating kapag naalagaan ng husto. Bibihira ang mga batang artista na talagang natural umarte. Hindi lamang sa acting nagpapakita ng husay si Aiza kundi maging sa pagkanta at pagtugtog ng gitara. She has also the ears para maka-spot ng mga potential na super singers and musical talents. Tulad ng alaga niyang si Krizza Neri.

Congratulations Aiza!