Mao na ni All Over the World! Mga ka Tribung BisChikadora! Sa makausa pa, giawhag ko kamo nga musalmot sa labing hugyaw nga TV Promo sa BuenaMano Balita ang “ Meet and Greet “ with the Butanding sa Lungsod sa Oslob. Pagkasayon lang gyud sa inyong buhaton tan-aw lang sa BuenaMano Balita matag adlaw, 6:45 hangtud 7:45 sa buntag. Atangi ang akong Butanding Trivia, isuwat kini sa papel ug imong apilan og gamay nga explanation nganong ikaw ang akong makuyog sa meet and greet with the butanding. Ipadala kini sa BuenaMano Balita GMA7 Cebu Nivel Hills, Lahug Cebu City o dili ba kaha ipadala pinaagi sa email sa buenamano@gma network.com. Unsa pa ang inyong gipaabot? Apil na, Let’s do the Butanding dance… haahahahahaha!
Daghan na usab kaayo ko nadawat nga mga email, text ug personal message sa facebook nga nalingaw sila sa Butanding Dance, ingon nila musabay sila og sayaw nako basta buhaton na nako ang Good morning Butanding dance, si nanay ug iyang anak may I dance sila, ang uban gihimo pa nila og exercise ang atong GMBD (Good Morning Butanding Dance ). Wala ko kaikyas ni Madam Mila Espina niaging semana kay gikuyugan nako si Mike Tan kay siya ang special guest sa usa sa mga events sa Cebu Business Month sa usa sa mga malls dire sa Sugbo, pagkakita niya nako gipangita niya si Mike Tan ug niingon ko nga naa pa sa dressing room. Gitawag ko ni Madam Mila sa atubangan ug on the spot iya kung gipasayaw sa GMBD atubangan sa mga nisaksi sa maong event. Nisayaw lang pud ko sa walay pagduha duha, sa walay kauwaw, garbo kaayo nako nga ni ikid dire, ikid didto, nikisi kisi nga murag butanding! Hahahahha! Sa tinuod lang … it really warms my heart nga daghan na kaayo ang naka gusto, naganahan sa atong GMBD! Laumi ninyo nga dili kami muhonong sa BuenaMano Balita paghatag sa mga dagkong balita sa Sugbo ug tibuok Central Visayas, mga maka abtik sayo sa kabuntagon, mga tips nga bisan sa ginagmay nga pamaagi makatabang kanato ug labaw sa tanan kay kamo man ang among boss dili kami mapul-an sa paghatag og Serbisyong Tinud-anay alang kaninyo!
Ang mga Butanding trivia nga akong ipaambit kaninyo courtesy of BuenaMano Balita :
1. Ang scientific name sa butanding o whale shark kay Rhincodon Typus
2. 18 to 35 feet ang gitas-on niini ug ang gibug-aton kay 20 tons
3. Ang local name sa whale shark sa nasud sa Vietnam kay Caong.
4. Sa Africa ang butanding gitawag kini nila og “papa shillingi.” Ang shilling kay gikan sa word nga “shilling’ usa ka coin or money.” Nagtu-o ang mga taga Africa nga Ginoo misabwag og shilling sa whale shark nga imong makit-an sa lawas sa mga butanding pinaagi sa mga spots or dots.
5. Sa Mexico ug sa tibuok Latin America gitawag ang whale shark nga “pez dama” or “ domino” tungod sa iyang mga spots.
6. Ang whale shark gitawag sa pipila ka dapit sa nasod sa Pilipinas og “balilan”
7. Sa Madagascar gitawag ang whale shark og “maro kintana,” meaning kay many stars.
8. 60 – 100 years ang life span sa butanding.
9. Muabot sa 3,000 ang gagmay nga ngipon sa butanding.
Karung adlawa usab ayaw sipyata sa Let’s fiesta alas 8:30 sa buntag para sa usa na pud ka makalingaw nga fiesta, inyong masaksihan ang mga barangay tour, mall shows ug ang mga pyesta nga atong bisitahon ug siyempre kauban ang inyong mga Kapuso stars!