Manila,Philippines --- Dili na mopatol si Roderick Paulate sa intriga nga iyang giatubang karon sa politika. Nag-una siya karon sa survey busa dunay nanaot kaniya aron mapunta siya sa ubos.Busa gipili niya nga magpakahilom. "I'll just answer that in the proper venue. Yun lang muna," suma pa sa actor/politician. Aminado siya nga apektado siya sa maong pampanaot apan nakita gihapon ang padayon niya nga pagtrabaho ug nagkataas usab ang iyang ratings sa survey. Gitagaan og pagtagad ni Roderick ang iyang trabaho isip konsehal sa district 2 sa Quezon City ug nalingaw usab siya sa showbiz partikular na sa taping sa Tweets for my Sweet ug usa usab siya ka mentor sa Protege: The Biggest Artista Break. Linahi nga challenge matud pa alang kaniya nga malakip sa talent-reality search gumikan kay mahimo siya nga dakong parte sa pagpasikat sa iyang protege .
Sekreto ni Mo gibutyag
Nahugyaw gyud mi sa giistoryahan nila ni DJ Mo Twister ug sa co-hosts niini sa radio program niya sa Magic 89.9 nga naghisgot kalabot sa break-up. Matud pa ni DJ Mo, makahulma matud pa og hustong desisyon inigkahuman nimo og masturbate. Maka-relax matud pa ang masturbation kung diin inigkahuman niini, maayo na ang impulse ug labing kalmado. Busa kasagaran sakto matud pa ang hukom human buhaton ang maong butang. Curious na hinuon mi kung gihimo ba niya kini sa wala pa siya mobiya sa nahimo nga ka relasyon ug sa dihang nakahukom siya nga mag-base na sa Amerika.
Andam na sa bisan unsa nga mahitabo
Sa pagsuwat niining balitaa, nakatutok gihapon ang kadaghanan sa kahimtang ni Mang Dolphy. Dili nato maseguro kung unsa ang mahitabo kaniya apan mipadayag na si Eric Quizon nga andam na sila kung unsa man ang mahitabo sa iyang amahan. Kung unsa man ang mahitabo sa Comedy King, nasabotan na nila sa tibuok pamilya ang ilang buhaton. Apan nagpabilin gihapon ang ilang paglaum ug padayon nga nag-ampo alang sa kaayohan ni Dolphy. Gipaabot sa kabanay sa aktor ang milagro uban sa panghinaut nga makauban pa nila kini sa taas nga panahon. Matud pa nga dili na mouli ang mga kabanay ni Dolphy dinhi sa Pilipinas gumikan kay nakaduaw na kini sa nasud. Naa usab kanunay si Zsa Zsa Padilla sa kiliran ni Dolphy aron mabantayan gyud niini ang kahimtang sa aktor.