KuNg mag-merge ang TV5 ug GMA-7.

VATSKI: Maayong adlaw, Gar, ug sa tanang mga loyalista sa Banatanay! Lunes nga dako, sayo na pud mo mangmata. Hahaha! Si Garry Lao, day off man niya, while ako, on vacation mode, maong pwede ra gyud udto na mi mamangon. Anyways, nindot kaha ang katulog sa mga dagko sa ABS-CBN ron, nga murag sipa naman kaayo ang hungihong nga mag-merge ang GMA7 ug TV5. Hala ka, Gar! Kung mahitabo na, na yabo na gyud og samot ang ABS-CBN kay duha na gyud na kadagko nga network ang iyang atubangon. Diri na gyung dapita nga mahugno ang ABS, suma bitaw, hinay-hinay naman og layat ang iyang mga artista sa TV5 kay puro naman sad na Sarah Geronimo ug Vice Ganda ang ilang salida, way lami!

GARRY: Hello Vatski and Banat Readers! Nahuwasan na ba kaha ang atong mga higala human sa kapildihan ni Pacman? Ana man gyud na. Kinahanglan kahibalo kita modawat og kapildihan. Dili nato makab-ot ang usa ka matam-is nga kadaugan kung dili kita makatilaw usab og kapildihan. Wala mo nakapangutana kung nganong naay interest ang usa ka network nga mo-merge sa another network? Advantage ba kini sa GMA 7 nga mo-merge sa TV5 o disadvantage? Para kanako, dili man angayan ikahadlok sa ABS-CBN, Vatski ang merging sa duha ka network. It proves that ABS-CBN dominates over the other networks. Ana man gyud na kung naay merger. Unsa man ang gusto i-prove sa GMA/TV5?

VATSKI: Ang merging, Gar, moresulta kana sa mas isug ug mas lig-on nga organization sama sa usa ka negosyo. Og mahitabo na, 2 versus 1 na ang show, with definitely, GMA7 and TV5 in the winning ticket. Personally, di naman gyud kinahanglan nga mo-merge pa ang GMA7 sa TV5 kay numero uno naman ni siya, pero og mahitabo gyud na, dako gihapong advantage ni sa GMA kay daghang advertisement nga dagko ang gipanag-iya sa TV5. Kanang PLDT, Cignal, Meralco, PAL, ug uban pa, sigurado na na nga mobutang sab sa ilang ads sa GMA kung mag-unite na silang duha.

GARRY: Ang usa ka merger, dili man apektado ang usa ka kompaniya kun dili ang mga tawo nga naa diha sa kompanya. Dili ba diay gusto ang usa ka network nga aduna’y kompetisyon nga mahitabo? Kung daghan, mas labing maayo aron dili ma-monopolize sa usa. Kung akong pangutan-on,dili na angayan mo-merge ang GMA7 sa TV kay it will be a sign of defeat!

VATSKI: Wala may maalkanse ani, kay tan-aw nako og mag-merge na, padayun gihapon nga ang TV5 adto sa TV5 nga building, samtang ang GMA7 magpadayun sa ilang address sa Kamuning St, Quezon City. And wala nay kompetisyon, sama ra gud sa GMA7 ug sa GMA NewsTV, naa ba diay problema sa duha, dili ba, wala man? Kung mahitabo na, maka-benefit pa ang TV5 sa GMA, and vice versa. So, kung usa na silang duha, sa giingon ko pa, molig-on ug modako na og samot pa ang maong mga TV network. Before anything else, happy belated birthday diay kang Flor Perolina, reporter sa The Freeman, ug advanced happy birthday kang Caecent Noot Magsumbot (June 28), TF sportswriter.

Pangutana: Sa inyong hunahuna, unsay epekto ngadto sa ABS-CBN kun ugaling matinuod ang panaghiusa sa TV5 ug GMA-7 sa dili pa matapos karong tuiga? Unsa kaha nga network ang mag-number one?

O text na hugyawnatics sa imong reaksyon, dugan sa imong ngalan ug address ngadto sa : 09173247754

Kutob ra karong alas tres (3pm, June 18) sa hapon ang pagdawat nato sa inyong mga mensahi. Go go na hugyawnatics! (BANAT NEWS)