CEBU, Philippines - Wala modayon si Zsa Zsa Padilla sa pag-perform sa concert kagabii kung diin makauban unta niya ang ubang OPM icons nga nag-ulohan og "Icons at the Arena."
Kini gumikan sa kondisyon karon sa iyang partner nga si Dolphy kinsa padayon karon nga giatiman sa mga doktor sa Makati Medical Center.
Si Zsazsa gihulipan ni Rachel Alejandro nga maoy makig-uban nila ni Lea Salonga, Jose Mari Chan, Ogie Alcasid, Martin Nievera, Gary Valenciano ug uban pa.
Nasayran nga normal na ang vital organs ni Dolphy apan padayon kini nga gibutangan og respirator aron dili siya maglisod sa paginhawa.
Patagamon ni Tulfo
Nagplano si Mon Tulfo nga himoon og attempted homicide imbes nga serious physical injury ang kaso nga iyang gipasaka ngadto sa magtiayong Raymart Santiago ug Claudine Barretto ingon man usab ang mga kaubanan niini nga nanapat kaniya sa airport.
KC naka-move on na
Gipahibalo ni KC Concepcion nga human sila nagbuwag ni Piolo Pascual pipila ka buwan na ang milabay, naka-move on na gyud siya niini ug nakatabang kaayo kaniya ang iyang pagka-busy sa showbiz. Bukas hinuon si KC nga mo-entertain og suitors apan wala kini nagpasabot nga andam na siya mahigugma.
BB nasangit sa edad
Miulbo ang taho nga wala matuman ang pangandoy ni BB Gandanghari nga magmodelo sa laing nasud gumikan kay sa iyang pangedaron ug adam’s apple. Porsigido na hinuon si BB nga ipadayon ang iyang showbiz career dinhi sa Pilipinas.
Walay katungod nga motambag
Nagdumili sa paghatag og tambag si Carlene Aguilar ngadto kang Bianca King nga karelasyon karon ni Dennis Trillo. Suma pa ni Carlene nga wala pud magdugay ang relasyon nila kaniadto ni Dennis busa dili maayo paminawon nga mohatag siya og tambag kang Bianca.
Anak ni Gary V engaged na
Engaged na ang kinamaguwangan nga anak ni Gary Valenciano nga si Paolo sa unom ka tuig na nga uyab niini nga si Samantha Godinez. Mismo ang kapikas ni Gary nga si Angeli Pangilinan maoy nagpahibalo niini pinaagi sa Twitter.
Vaness dili pa andam magpakasal
Tsika pa ni Vaness del Moral nga kanunay siya makadawat og mga pangutana kung kanus-a pa sila magpakasal sa iyang uyab nga si Biboy Ramirez ilabi na nga duha ka tuig ug siyam ka buwan na ang relasyon nila sa aktor. Wala pa masulod sa iyang huna-huna ang maong butang gumikan sa ka-busy sa iyang career.
Eula sa Walang Hanggan
Si Eula Valdez maoy bag-ong cast sa Walang Hanggan sa ABS-CBN. Gipanglantawan nga hangpon sa publiko ang pagsulod ni Eula sa maong programa ilabi na nga maka-eksena niya ang mga bug-at pud nga Kapamilya stars sama nila ni Dawn Zulueta, Richard Gomez, ug Helen Gamboa.
Pilipinas gipangandoy ni Jennifer
Gipangandoy ni Jennifer Holliday nga makatikang puhon dinhi sa Pilipinas. Suma pa sa singer nga giisip na niya nga anak si Jessica. Nasayran ni Jennifer nga gihangop pag-ayo sa mga Pinoy ang pag-duet nila ni Jessica sa awit nga And I Am Telling You, I’m Not Going nga gipistahan karon sa Youtube.
Marian ganahan makauban si Angel
Subling gipadayag ni Marian Rivera nga dili man tuod sila suod ni Angel Locsin, apan wala silay problema ug managhigala silang duha. Gani malaumon siya nga magkauban sila sa usa ka pelikula puhon.
Marian ninang sa anak ni Katrina
Gikuha ni Katrina Halili nga ninang sa iyang umaabot nga anak si Marian Rivera. Kini maoy mumatuod nga okay na gyud matud pa sila ni Marian kay nagka-istorya sila sa katapusang adlaw sa taping nila sa ilang bag-o lang nahuman nga teleserye My Beloved, diin naggakos sila sa pagkahuman ug may hinilakay nga mitumaw.
Mga ninang ug ninong
Unom na ka buwan ang gisabak ni Katrina Halili, apan sa January 2013 pa gitakda ang bunyag sa bata nga iyang ihimugso karong Agosto. Lakip sa ilang ninang ug ninong gawas kang Marian Rivera sila si Jennylyn Mercado, Sheena Halili, Cristine Reyes, Mark Herras ug Jay-R.
Level Up na si Vaness
Mapasalamaton si Vaness del Moral nga leading lady na gyud siya sa bag-o niyang project sa GMA-7, ang Faithfully, nga magsugod na ugma sa hapon. Kauban niyang bida sila si Maxene Magalona, Michelle Madrigal, Isabelle Oli, ug Isabelle Daza.
Kaluha type ni Kim
Ang kaluha nga sila si Joj ug Jai Agpangan ug si Karen Reyes ang giganahan sa unang PBB Teen Big Winner Kim Chiu sa iyang subling pagsulod sa Bahay ni Kuya niining bag-o lang. Alegre matud pa ang tulo ug dili mu-surrender sa mga tasks.
Ganahan gihapon mu-interview
Andam gihapon si Carmina Villaroel nga ma-interview ang iyang kanhi bana nga si Rustom Padilla, nga karon BB Gandanghari na. Kini human sa gituki pud og maayo nga interview sa iyang partner nga si Zoren Legazpi ngadto kang BB niining bag-o lang. “Okay lang naman kasi parang iniisip ko ibang tao talaga siya, parang ibang tao na makakaharap ko, makakausap ko.”