Away nina Annabelle at Nadia lumalala na
Ito na nga ba ang ayaw kong mangyari, na mas lumala pa ang away na namamagitan kina Mama Annabelle Rama at Nadia Montenegro.
Nagpalabas ang korte ng warrant of arrest kay Mama Annabelle dahilan sa hindi nito pagsipot sa hearing ng kasong libel na isinampa sa kanya ni Nadia.
Wala yata ang matriarka ng pamilya Gutierrez sa bansa kaya hindi nakarating pero sa June 25 ay kailangang magpakita na siya para umusad ang kanilang kaso.
Kahit nasa TV5 na Iwa babalikan pa ang kaso sa GMA 7
Hindi pa man siya nakakapag-establish ng kanyang posisyon sa TV5, baka kasuhan pa ng GMA 7 si Iwa Moto dahilan sa kanyang biglang paglipat gayong wala pa silang pinagkakasunduan o pinagkakaayusan ng iniwan niyang istasyon.
Oo nga naman, Iwa, bakit hindi ka muna nagpaalam ng mahusay? Hindi ka naman siguro pipigilan ng GMA kung mapapaayos ka sa bagong pupuntahan mo. Ngayon, imbes makapagtrabaho ka agad ay baka asunto pa ang abutin mo. Eh mahaba ang mga ganitong proseso at habang nagaganap ito ay hindi ka makapagtatrabaho. Baka hindi mo kayanin.
Kaya ang maipapayo ko sa iyo ay makipag-ayos ka na, huwag mo nang palalain pa ang isyu.
Mo babanggain naman si KC
Ikaw naman Mo Twister, tigilan mo na si Rhian
Ramos. Ikaw din, hindi na siya nag-iisa. Meron na siyang tagapagtanggol, kung totoo na sila na nga ni KC Montero. Friends kayo ni KC. Gugustuhin mo bang isakripisyo ang pagkakaibigan n’yo para lamang sa personal mong vendetta kay Rhian dahilan lamang sa umayaw na ito sa iyo?
May pasasabugin tungkol sa kanya, at maging kay Rhian. So, what will it be Mo, a war between friends o silence for a friend’s chance to love again?
Pacman hindi napaghandaan si Bradley
Bakit nga naman hindi tatanggapin ni Congressman Manny Pacquiao ng tahimik ang desisyon ng mga tumayong hurado sa naging laban niya kay Tim Bradley, Jr. eh meron pa naman siyang natitirang walong dibisyon na hinahawakan sa boksing? At natalo man siya, malaki naman ang kinita niya, kaya nga madadala pa niya ang pamilya niya sa isang European trip.
Amor propio lang ang naapektuhan sa kanya, kahit isang mahalagang leksiyon ang dapat ay natutunan niya. Dapat expected na niya ang istilo ng boksing ni Bradley at dapat mapaghandaan na niya. Ano ang nangyari?
- Latest
