Hindi nakayanan ng singer-actress ang pakikipaghiwalay sa kanyang boyfriend na aktor.
Natuto siyang maglasing kasama ang mga barkada para makalimot sa mapait na karanasan. Sobra kasi itong na-in love sa aktor pero na-realize na mas mahalaga ang kanyang gumagandang career.
Kahit anong payo ng ina ay binabale-wala nito at tuloy pa rin sa pag-inom ng alak sa bar kasama ang mga barkada.
Ara, handa nang magpamilya
Napag-iwanan na si Ara Mina ng mga kapanabayang aktres kung saan may mga asawa na sila at anak. Akala nga namin ay for good na ang huling nobyo nito pero humantong din sa paghihiwalay.
Ayon sa aktres handa na naman siya sa buhay may-asawa at magkaroon ng sariling pamilya.
Kung makita na niya si Mr. Right ay hindi niya ipagkakaila sa publiko ang pagpapakasal niya.
BB gandanghari, nablangko sa mga tingin ni Zoren
Nagkaharap na sina BB Gandanghari at Zoren Legazpi sa Paparazzi at sinabi ni BB na naba-blanko siya sa tingin ni Zoren.
‘‘Grabe siyang tumitig. Pero nagpapasalamat ako sa kanya dahil minahal niya nang husto si Carmina (Villaroel) at maligaya siya sa piling nito,’’ sabi ni BB.