Gi-ungo sa hotel

MNNAOTW! ( Mao Na Ni All Over The World)! Mga Ka Tribung BisChikadora… Nahuman na gyud ang Summer kay nagsige na gyud og uwan. Makaingon ko usahay nga murag naa’y pattern ang uwan kay basta mo alas dos sa hapon mo uwan na man sa akong nahimutangan diri sa Nivel Hills, Lahug. Busa ang inyong Yur’s truly mopahimangno kaninyo nga dapat alerto kita ug andam 24 Oras sama nalang sa pagbitbit og payong, kapute, kalo o di ba kaha magdala ka og extra nga sanina para bisan unsay mahitabo Yur Always Ready! Hugyaw!

Hugyaw usab ang confession sa usa ka actor / host sa iyang kasanatian sa usa ka hotel diri sa Sugbo. Kay ngano? Pagsulod niya sa CR sa iyang room kay naa’y sige og tawag sa iyang ngalan. Korek! Layo pa ang adlaw sa mga kalag mao nga iyang gibuhat nigawas siya pero wala ma’y tawo. Naghigda na siya sa iyang kama, naa’y sigeg panawag sa iyang ngalan gihapon sa gawas sa pultahan pero pag abli niya kay wala’y tawo. Piyongon niya ang iyang mata, naa man gyud sige panawag ang ending kay wala siya nakatulog. Kinsa ang maong aktor / host? Comedienne pero sa iyang pagsugilon sa iyang kasanatian kay seryoso. MNNAOVTW!

Mapasalamaton ang tibuok puwersa sa GMA 7, ang inyong Kapuso Network sa mainiton nga pagdawat ninyo sa inyong mga Kapuso stars. Ang Kapuso Road Tour featuring : My Beloved sa miaging Biyernes nga gisugdan sa Brgy. Inayawan Sports Complex unya didto dayon sa Brgy. San Nicolas Sports Complex-- halos mahutdan og tingog ang mga nisaksi niini. Kinsa’y magtuo nga si Carl Guevarra, Janine Gutierrez, Mikael Daez, Louise de los Reyes, Alden Richards, Marian Rivera ug Dingdong Dantes mobisita sa ilang barangay? Pagkahuman didto dayon mi sa SM City Cebu Covered Terminal nga mas hugyaw usab kaayo kay tagsa-tagsa na nga ni perform ang atong mga Kapuso stars plus game kaayo sila sa gipahigayon nga duwa. Pagkasuwerte sa nakasabak ni Mikael Daez sa duwa! Pero ang inyong Yur’s truly kay wala intawon nakahigayon og pahulagway kauban ang akong One True Love nga si Alden Richards. Pero sige lang kay daghan pa kaayo og panahon. Pagkasunod adlaw niana, nitikang ang among team sa Dumaguete City para sa usa ka Kapuso Night ug parada para sa pagselebrar sa ilang Santa Cruzan Festival. NaHugyaw ang tibuok siyudad sa Dumaguete kay diha ang cast sa Makapiling Kang Muli nga silang Dominic Roco, TJ Trinidad, ang mga banggiitang artista nga silang Mark Gil ug Rio Locsin ug siyempre ang mga bida sa maong GMA Telebabad nga magsugod na ugma Richard Gutierrez ug Carla Abellana. Pagkasunod adlaw, nilayat dayon ang among team balik sa Cebu via Sibulan to Liloan, Santander para sa Kapuso Mall Shows nga gipahigayon sa duha ka dagkong malls dinhi sa Sugbo nga kauban gihapon namo ang mga casts sa Makapiling Kang Muli pero nadugang na si Phillip Salvador. Tuod man ang tingog sa inyong Yur’s truly kay hapit na mawala--nagpasalamat ko sa mga kaabag sa akong tingog. Unsa kini? Secret. Hehehehehe. Nahuman ang tulo ka adlaw nga trabaho nga dagko kaayo mi og ngisi. Pagka Lunes niana kami ni Glenn Boiser kay nanimba sa Saint Therese Church para magpasalamat sa Kahitas-an sa malampusong pasundayag. “With God all things are possible.”

Magpasalamat usab ako sa mga inday ug dodong sa Sitio YGA para sa ilang gipahigayon nga kalingawan ang Little Mr. and Ms. YGA 2012, wala ko magdahum nga ang inyong opening production number kay ang akong Goodmorning Butanding Dance nga puwerteng ikid ikid sa mga bata. Puno sa kalipay ang akong kasingkasing nga bisan sa maong pamaagi nakahatag ko ninyo og kalipay. Enjoy kaayo mo sa inyong Butanding Dance Production Number choreographed by the one and only Glenn Boiser, music by Russelle Gako. MNNAOTW!

Atangi sunod Domingo: Kinsa ang aktor ang nagnilabad? Naglabad ang headdress? hahahhahaha!