Manila, Philippines --- Wala pa gani magsugod may repeat performance na dayun ang umaabot nga concert ni Sarah Geronimo on July 7 sa Smart Araneta Coliseum nga 24/SG. Due to insistent public dermand, ang repeat ipahigayon dayon karon July 21, sa Big Dome gihapon. “Masyadong maraming naghahanap ng tickets,” suma pa sa usa ka Viva Concerts insider nga producer sa concert sa pop princess. Pwes labihan ang kalipay ug pasalamat ni Sarah ngadto sa mga tawo nga nagpaabot na sa iyang birthday blowout concert sa Araneta karong tuiga.
Magpatambal sa Germany
Suma pa sa usa ka suod ni Boy Abunda, gitakdang dad-on sa King of Talk ang iyang inahan sa Germany karon sunod semana aron didto patambalan. Kahinumduman nga na-diagnose ang inahan ni Kuya Boy nga may dementia ug pipila ka buwan na kini nga mipailawom og treatment. Wala matud pa misamot ang sakit sa inahan ni Kuya Boy, it’s just that ganahan lang ang TV host nga mas ma maayo pa ang kahimtang sa iyang inahan. Mga two weeks lang matud pa nga mawala si Kuya Boy busa sa maong panahon siya dili makit-an sa iyang mga programa sa ABS-CBN sama sa The Buzz ug Bandila.
Kris TV alas otso na!
Sugod karong Lunes, June 3, alas otso na sa buntag makita ang Kris TV, paghuman sa Umagang Kay Ganda. Sa bag-ong timeslot mas paninduton pa sa production team ang show. Sa Monday ipakita ang footages sa 3-week-vacation sa Queen of All Media sa USA kauban ang iyang mga anak nga sila si Joshua ug Baby James. Adtong Miyerkules pa lang nahibalik si Kris and her kids gikan sa trip/cruise sa USA busa back to work na ang aktres/TV host sa iyang mga commitments lakip na ang taping sa iyang bag-ong serye sa ABS-CBN. Padayon gihapon matud pa ang paglibot ni Kris sa nagkadaiyang suok sa nasud aron ipakita sa Kris TV ang tinagoang kaanindot sa Pilipinas.
Dili sundan aron dili mapul-an
Human sa My Beloved madugay pa una magkuyog sila si Dingdong Dantes ug Marian Rivera sa usa ka proyekto. Kung sila maoy masunod, buot nila nga sundan og usa pa, apan daw wala pay plano ang GMA 7. Sugdan na ni Marian ang pelikula nila ni Coco Martin ug si Dingdong muhimo sa Star Cinema kauban sila si Angel Locsin ug Angelica Panganiban. Daghan ang mitambag nila nga dili lang usa magkuyog sa usa ka project aron dili mapul-an ilang mga fans. Sa My Beloved matud pa mas napalig-on ang ilang relasyon ni Marian ug Dingdong.