Rachelle Ann Go Wanted!

Manila, Philippines --- Si Rachelle Ann Go ang gipangita karon sa mga reporter para sa iyang opinyon kabahin sa break up nila ni John Pratts ug Bianca Manalo. Si Bianca ang gihulip ni John kang Rachel nga nawindang kaniadto gumikan kay kalit nga nag- goodbye ang iyang ex-boyfriend. Hurt na hurt si Rachel sa nahitabo ug imbes magpainterbyu kabahin sa ilang panagbuwag ni John, mikanta na lang siya kaniadto sa Party Pilipinas og I Rather Leave While I'm In Love.

Rhian ug KC nagkalami

Getting to know each other ang status sa " friendship" nila ni KC Montero ug Rhian Ramos. Dugay na silang managkaila pero karon pa lamang sila nagkasuod. Always present si KC sa mga boxing fight ni Congressman Manny Pacquiao gumikan kay fan siya ni Pambansang Kamao. Mutan-aw si Rhian sa away nila ni Papa Manny ug Timothy Bradley gumikan kay invited na pud siya sama sa miaging boxing fight nila ni Pacquiao ug Juan Manuel Marquez. Mupusta ko nga magkita sila si Rhian ug KC sa Las Vegas sa June 9 gumikan kay puros sila mutan-aw sa Pacquiao-Bradley fight.