Virgin Gyud! Or Virgin Gyud?

CEBU, Philippines - Last Monday, padung sa Fuente, alang sa atong programang okRYAN sa dyRC, nakoy kasakay nga lalaki nga wala nako tuyua nakabasa ko sa message nga iyang nadawat. As in wala gyud nako tuyua ha, sikit man gud kaayo ang mga pasahero sa 12L pirmi, nya gamay ra sad to nga jeep, so mao to. Ang mensahi nga iyang nadawat kay: karon nga nakakita naka nako, are you willing to work for your kids and my kids? Will take me for what I am? Dili ko sure mao ba gyud ang words, but sure ko mao nay meaning sa message. Ug gitubag sa laki og: Yes, I do! Pakpak!

Sa akong nasabtan, produkto sa broken relationship ang babaye ug lalake, and naa na sila’y anak. So pag-program ra nako, I brought up the question: hain ang lisud dawaton, ang babayi nga napaangkan or ang lalaki ang nakapa anak? Kasagaran sa tubag kay okay ra matud pa og naay anak daan ang laki kaysa babaye. Lain ha. Murag dili fair. Awww!

Which brought me to this question: Big deal pa ba ang virginity karong panahona? Sukad ko nagsugod isip showbiz writer adtong 2004, sa kadaghan na nga artista nga akong nahimamat ug napangutana, si Alessandra de Rossi ra man gyud akong mahinumduman nga midiretso og tubag og no to pre-marital sex kay ang virginity matud pa maoy gasa nga imong ikahatag ngadto sa lalaki nga imong pakaslan ug tiunay nga gihigugma. No to pre-marital sex siya kay mao gyud matud pa na ang nalatid sa Bibliya.

And I guess mao gyud nay rason nganong walay relasyon nga mulungtad si Alessandra kay murag ang mga lalaki ganahan gyud maka score niya, unya dili man gyud na siya musugot. Mao pud na nga rason ang iyang gihatag nganong hayan sayo nagminyo ang iyang maguwang nga si Assunta kay gitudlo gyud sila sa ilang inahan nga Pinay, samtang nagtubo sila didto sa Italy, kabahin sa ka bililhon sa virginity. Pakpak!

Ang kasagaran sa mga artista kay muingon man depende ra na sa tawo basta kay responsable lang gyud sila sa mahitabo. Naa pa tuy mga artista nga mitubag og as long as they are ready to the consequences of their action, okay ra nang pre-marital sex. Pakkk!

So sa makausa pa, isyu ba gyud nang virginity karon or sama sa harana nawagtang na kana sa uso? Unsa man gyud beh? Pakkk!

Reaksyon o opinion? Text me pinaagi sa: 09295886046. Kinahanglan nga dunay ngalan ug address ang mensahe, ug labaw sa tanan kabahin kini sa unsay gituki karong adlawa, dili pwede ug ayaw paghimo og laing topic. Plus, kung makig-text mi ra ka, ayaw na lang og text—wa koy panahon ana. Pakkk!

Magdungog gihapon ta pinaagi sa dyRC 648 Khz, 10 a.m. to 12n---Lunes hangtud Sabado. Bisitaha mi sa www.dyrc-cebu.com. Pangitaa mi sa Facebook: [email protected]. (BANAT NEWS)