Exclusively dating din ang sagot nina Rhian at Mo Twister ng tanungin sila noon tungkol sa status ng relasyon nila.
Dahil pareho ang before and after na sagot ni Rhian, kumbinsido ang marami na may relasyon na sila ni KC at hindi basta simple relationship ha? Isang malalim na relasyon.
May kumakalat na tsismis na nagseselos si Mo na hindi nakapagtataka dahil kaibigan niya si KC.
Maraming common denominator sina Mo at KC.
Pareho silang disc jockey, marunong mag-rap, at Inglisero, mga qualities na parang weakness ni Rhian.
Sen. Miriam nakaw-eksena uli, Sen. Lito pinagpawisan sa masang-masang statement
Kung kasali sa ratings game ang impeachment trial kahapon, tiyak na ito ang nakakuha ng pinakamataas na rating dahil nakatutok ang sambayanang Pilipino sa telebisyon at radyo.
As usual, nakaw-eksena si Sen. Miriam Defensor-Santiago sa kanyang unlimited speech dahil pinangaralan niya ang lahat, hindi lamang ang prosecution panel.
Hindi lamang ang boto at speech ni Sen. Miriam ang inabangan ng taumbayan dahil hinintay nila ang mga sasabihin ni Sen. Lito Lapid.
Bumilib ako kay Papa Lito dahil sa humility na ipinakita niya. Waging-wagi sa masa ang kanyang statement na high school graduate lamang siya at ang pag-amin na kulang ang kaalaman niya sa batas.
Pinagpawisan si Papa Lito pagkatapos ng kanyang guilty vote dahil kitang-kita sa TV ang pagpupunas niya ng pawis.
Take note, walang binasa na kodigo si Papa Lito dahil straight from the heart ang kanyang mga salita na binitiwan. Gustung-gusto rin ng mga tao ang pagsasalita niya sa wikang Tagalog dahil malinaw na naintindihan ang kanyang mga pahayag.
Boto ni Sen. Villar ikinagulat ng lahat
Pare-pareho ang mga boto nina Senators Bong Revilla, Jr., Lito Lapid, at Jinggoy Estrada.
Guilty si CJ Renato Corona, ang mga boto ng mga artista na naging senador. Guilty din ang boto ni Sen. Manny Villar na ikinagulat ng lahat dahil for acquittal ni CJ Corona ang inaasahan nila na boto ni Papa Manny.
In fairness kay Papa Manny, totoong-totoo ang kanyang sinabi na tulad ni CJ Corona, naging biktima rin siya ng mga paninira noong kumandidato siya sa pagkapangulo noong 2010. Hanggang ngayon, walang napatunayan na totoo sa mga paratang kay Papa Manny.
Congressman Tupas text nang text sa speech ni Sen. Enrile
Naloka naman ako kay Congressman Neil Tupas habang nagsasalita si Sen. Juan Ponce Enrile.
Text nang text si Congressman Tupas at kitang-kita ito sa national television.
Wala yatang nagsabi kay Tupas na nakikita ng buong Pilipinas ang kanyang ginagawa at para sa marami, disrespect ‘yon kay Papa Johnny. Kung nakita ni Papa Johnny ang walang tigil na pagte-text ni Tupas, baka hindi siya naging happy.