Name: Patricia Andrea D. Pateña
Nickname: Andi, Trish, Ching
Age: 21
Date of Birth: Jan. 23, 1991
Nationality: Filipino
Talent/s, Skill/s, Hobbies: Acting, singing, songwriting, hosting, debating, cooking ?
Favorite song: Daghan apan karon naa ko’y LSS sa “We Are Young” by Fun
Favorite movie: Slumdog Millionaire
Favorite TV station: TV5, siyempre. Hahaha
Celebrity Crush: Foreign, Johnny Depp. Local, Derek Ramsey! <3 <3 <3
Height: 5'5
Weight: 118 lbs.
School graduate and year: Saint Theresa’s College, Batch 2011
Common Attitude: Impulsive, outgoing, fun!
“Challenging kaayo. Aduna ko’y bag-ong makat-unan matag adlaw.”
Mao kini ang paghulagway sa 21 anyos nga si Patricia Andrea D. Pateña kalabot sa iyang trabaho isip reporter. Ang TV-5 Cebu reporter nga si Andrea misaysay nga mahiligon siya kaniadto og production work busa wala niya damha nga mahimo siya nga reporter. Apan gumikan sa oportunidad nga iyang nasugatan, wala gyud niya kini balibari.
“Sa tinuoray, wala ko nangandoy nga mahimong usa ka reporter sa una. Kaniadtong nag-eskwela pa ko, ganahan gyud unta ko nga muapil og mga productions sama sa pag-host og mga travel shows. Apan nagtuo ko nga tuyo kong gigiyahan sa Ginoo padulong niini nga career ug tuod, pagsulod nako sa media, nakaamgo ko nga lingaw man pud diay ning trabaho-a,” suma pa ni Andrea. Migradwar si Andrea sa kursong mass communication sa St. Theresa’s College niadtong 2011. “Sa among graduation sa STC, mitambong si Atty. Ruphil Bañoc aron iganti kanako ang Kapisanan ng mga Brodkaster ng Pilipinas (KBP) Award. Paghuman sa among graduation, iya kong giduol ug giimbitar nga mu-apply sa TV5,” saysay pa ni Andrea. Wala magduha-duha si Andrea sa sugyot ni Atty. Bañoc kinsa maoy anchor sa Aksyon Bisaya, nagbuhat dayon siya og resume ug dako ang iyang pasalamat nga nakabaton siya og positibong resulta niini. Suma pa ni Andrea nga dako niya nga kalipay nga nakasulod siya sa media world gumikan kay nakatabang siya sa katawhan aron masayod kini sa mga panghitabo sa ilang palibot. Gumikan sa iyang trabaho, masayod ang katawhan sa tinuoray nga istado sa gobyerno partikular na sa gipangtrabaho sa gipili nila nga mga leader sa nasud.
QandA
Banat News Hugyaw (BNH): Sa imong ka-busy giunsa nimo pagdumala ang imong oras alang sa imong family, friends ug uban pa?
Andrea: Dili ko mutuo sa paggamit sa pulong nga ‘busy’ kay diha kasagaran maguba ang atong relasyon ngadto sa uban. Kutob sa akong makaya, mugahin gyud ko og oras alang sa uban ilabi na sa akong pamilya ug higala, di lang tungod kay kinahanglan ko nila apan tungod sab nga nanginahanglan ko nila alang sa suporta. Alang kanako, daghan og ‘trade-offs’ ang kinabuhi. Aduna’y mga butang nga kinahanglan natong buhian aron makaatiman ta sa mga butang o tawo nga mas labing importante.
BNH: Kinsa ang imong favorite news personality sa Pilipinas? Why?
Andrea: Tulo sila kabuok, one from each station. Hehe. Jessica Soho, Cheche Lazaro, and M’am Luchi-Cruz Valdez. Sa image pa lang nila daan, strong and dignified na kaayo. Kung musugod na gani sila og tabi, kahibawo ka nga they’re well-researched and they throw very witty questions. Maayo kaayo sila mubuhat og mga storya nga naglambigit og hardcore investigative journalism. Apan paborito nako nila nga mga storya mao katong nagpakita sa mga ‘unsung heroes’ sa katilingban—mga street sweepers sa syudad, ang Mangyan Tribe sa Mindoro, etc.
BNH: Aduna na ba’y nisaway kanimo? Giunsa nimo pag-face ang mga pagsaway?
Andrea: Wala man siguro’y bisan usa kanato nga wa nakasuway nga gisaway. Kamatuoran sa kinabuhi nga dili tanan tawo, atong mapahimuot. Aduna’y mga pagsaway nga gitumong sa pagdaot kanato busa di kini angay tagdon, apan aduna sa’y mga pagsaway nga gitumong alang sa atong dugang nga kalambuan, mao nga sakit man, kinahanglan natong paminawon ug tun-an. Alang kanako ang mga pagsaway maoy nagpalig-on sa akong kaugalingon ug nagpahinumdum kanako sa kamahinungdanon sa pagpaubos.
BNH: Isip usa ka reporter, kanunay nimo nga masaksihan ang kahimtang sa kumunidad, unsa nga simpleng proyekto ang imong isugyot ngadto sa atong gobyerno?
Andrea: Sa akong mga graveyard shifts, kanunay gyud nako maabtan ang mga batang libud-suroy (BLS) sa mga police stations tungod sa ilang pagkalambigit sa pagpangawat. Na-memorize na gud nako ang ilang mga nawong sa pagsige nila og ‘sulod-gawas’ sa prisohan. Magsakit gyud akong dughan pirmi kay kahibawo ko nga biktima ra pud sila sa ilang mga pait nga kasinatian. Kung hatagan lang sila og igong oportunidad, daghan pa unta ni sila’g makab-ot ug di na sila mabuhi pinaagi lang sa pag-snatch ug mga I-phones sa mga Koreano sa may Salinas Drive. Mao nga kung aduna ko’y masugyot nga proyekto sa gobyerno, mao kini ang pagpahigayon og Mobile Education with Catechism sa mga kadalanan sa syudad sa Sugbo alang niining mga BLS.
Banat Hugyaw: Kung matagaan ka og tsansa nga mo-handle og foundation, unsa man nga programa ang gusto nimo nga ikampanya?
Andrea: Ganahan ko mutabang sa mga streetchildren, ug children with special needs. Aduna na ko’y foundation nga dugay nang gisuportahan, ang Adam Jennie’s Center for Special Children. Na-inspire man gud ko og maayo sa tag-iya nga si Sir Lee Jennie. Dili gyud nako malimtan ang mga pulong nga iyang giingon nako, ‘These kids can do it, if you only give them a chance.’ Sukad ato, mikampanya na pud ko sa paghatag og higayon sa kalambuan sa mga kabatan-unan nga gitan-aw sa kadaghanan isip mga ‘helpless individuals.’ Gawas sa paghatag nila og academic education, ganahan pud ko mutudlo nila kabahin sa mga Kristiyanong hiyas pinaagi sa theater arts. Passion gyud na nako ang theater mao nga ganahan pud na nako nga ipa-ambit sa uban.
Banat Hugyaw: Unsa imong gisunod nga diet or beauty regimen?
Andrea: Wala ko’y beauty regimen uy. Hehehe. Kung diet ang hisgotan, naglow-carb diet ko. Kasagaran di gyud ko mag-rice apan usahay di gyud malikayan ilabi na kung buwad o ginabot ang sud-an! Haha!
Banat Hugyaw: Alang kanimo, unsa ang imong best asset ug ngano?
Andrea: Akong legs? ‘Cause they’re long. Dah! Hahaha :p
Banat Hugyaw: Unsa nga qualities nga imong gipangita sa imong future husband?
Andrea: God-fearing, family-oriented, a handyman (like my papa), loyal and sweet .
Banat Hugyaw: Unsa ang motto sa imong kinabuhi?
Andrea: ‘What doesn’t kill me makes me stronger.’
Banat Hugyaw: What keeps you sexy?
Andrea: I don’t think I’m sexy! Hahaha. Pero, tig-gym ko karon, you know na, pampamenos sa kabilbilan. Haha