Mao na ni all over the world! Usa ka hugyaw nga Domingo kanatong tanan mga Ka Tribung BisChikadora. Tuguti ko ninyo nga sugdan ko ang akong lindog sa pagpangayo og pasaylo sa atong mga Kapuso sa Barangay Kinasang-an, Pardo, hilabi na sa ilang mga barangay officials ug mismo sa ilang kapitan nga si Hon. Susan B. Enriquez. Dili kini nako o namo kagustuhan ang dili pag-agi sa inyong barangay apan dunay mga kakulian nga dili namo kapugngan. Yes! Mga Ka Tribung BisChikadora kini akong pagpangayo og pasaylo mahitungod kini sa nahitabong Plastic ni Juan Summer Caravan sa Eat Bulaga. Isip Cebu coordinator dako kaayo ang akong responsibiliad nga mabuhat ang tanang angay buhaton. Usa sa mga adlaw, manghinaut ko nga inyo akong padayunon sa barangay Kinasang-an para personal nga mangayo sa inyong dispensa.
Mao kini ang akong ipaambit kaninyo mga Ka Tribung BisChikadora, niaging semana nibalik dire sa Sugbo ang Eat Bulaga para sa ilang segment nga Plastic ni Juan Caravan, ang ilang tuyo ug tumong ang mangayo og donasyon pinaagi sa inyong mga plastic bottles nga himuon og mga plastic nga lingkuranan ug ihatag sa mga nagkinahanglan nga eskwelahan. Duha ka adlaw ang maong caravan, bisan sa mubong panahon nga gihatag sa among team gibuhat namo ang tanan. Ang kasinatian sa maong proyekto dili kabayran, ang init, singot, uhaw ug uban pa pitik na kini sa trabaho sa usa ka production assistant. Dili kini nimo panumbalingon tungod kay imo man gihigugma ang imong trabaho. Hangtud sa sunod na pud nga pagpanuktok namo sa inyong kasingkasing para sa Plastic ni Juan : Plastic ug Basura dunay hatod nga paglaum.
Magkita kita kitang tanan karung adlawa alas dos sa hapon sa Gaisano Grand Mall –Mactan ug alas singko sa hapon sa Gaisano Grand Fiesta Mall –Tabunok para sa Kapuso Road Tour featuring : Makapiling kang Muli kauban ang inyong mga Kapuso stars nga silang Richard Gutierrez ug Carla Abellana ug uban pang cast sa maong serye. Libre kini! Walay bayad. Kita kit’s ta ninyo tanan!
Ayaw usab sipyata karung adlawa sa Let’s Fiesta alas otso y medya sa buntag atong saksihan ang mabulukong mga festival nga among ipaambit kaninyo plus ang pagbisita sa Kapuso Road Tour featuring : Luna Blanca. Dire lang sa GMA 7 sa inyong Kapuso Network.
To view more pictures and videos of John’s travel all over Pilipinas, I –like lang ninyo ang Let’s Fiesta sa Facebook! Of course ang atong Facebook dire sa Cebu ang GMA Channel 7 Cebu para sa inyong mga updates! Ug para sa mga latest GMA Regional Events and Activities, I-follow lang mi sa twitter @GMARegionalTV.