Aktor pinaglalaruan ng duwende

Naniniwala ang isang aktor na may mga duwende sa kanyang kuwarto.

Ayon sa source, oone time ay may pumunta sa bahay ng aktor para maningil ng bayad sa kuryente. Hanap dito, hanap dun ang ginawa ng aktor sa kanyang wallet para kumuha ng pera. Nagulat ang kaibigan sa aktor dahil pinuntahan nito ang dalawang kuwarto at sigaw nang sigaw, “Saan n’yo itinago ang pera ko? Ilabas n’yo na!’’

Tinanong ng kaibigan sa aktor kung sino ang kinakausap niya. Sagot nito, ‘‘Mga kaibigan kong duwende. Minsan kasi pinaglalaruan nila ako. Baka kung saan itinago ang wallet ko.”

Sa kahahanap ay nakita rin sa wakas ang wallet na nasa loob lang pala ng aparador. Napakamot ng ulo ang kaibigan at naalala na lang na siguro kaya nagkakaganoon ang aktor ay dahil gumagamit din ito ng ipinagbabawal na gamot.

Penguins at mga unggoy WANTED SA EUROPE

Nagbabalik ang blockbuster na Madagascar franchise in 3D. Tampok ang mga tinig nina Alex (Ben Stiller) Marky (Chris Rock), Gloria (Jada Pinkett Smith), at Melman (David Schwimmer), determinado silang makauwi sa Central Park Zoo sa New York City. Nag-detour sila at sumulpot sa Europe para hanapin ang mga penguins at chimpanzees na nagnakaw sa isang Monte Carlo casino.

Palabas na ito sa June 6 mula sa Solar-UIP.