CEBU, Philippines - Giangkon ni Bela Padilla nga tihik siya nga pagkatawo busa wala siya nagpa-party sa iyang 21st birthday niadtong Mayo 3. Nakigdungan na lang siya sa birthday party ni Kris Bernal niadtong Mayo 17 sa set sa teleseryeng Hiram na Puso.
Jessica gihulagway ni Jennifer nga “Soul Angel”
Misaad ang Hollywood singer/actress nga si Jennifer Holliday nga bisan nahuman na ang American Idol, padayon gihapon siya nga magsunod sa career ni Jessica Sanchez.
Pinaagi sa Twitter, mihatag og morning message kagahapon si Jennifer ngadto kang Jessica ug nag-post kini sa ilang mga hulagway sa pag-duet nila sa "And I'm Telling You I'm Not Going".
Suma pa ni Jennifer nga dili gyud niya biyaan ang giisip niya nga “soul angel” ug todo nga suporta ang ihatag kaniya ngadto sa garbo sa Pilipinas.
Mao kini ang gi-tweet ni Jennifer: "@JSanchezAI11 Mornin' SweetBebe Chez!.Leaving U 2GoHome,But NEVER Leaving U Alone!.U'll ALWAYS Have 2MOMS Now!.LUV U:) "
Kahinumduman nga nagbandera sa telebisyon ug sa internet ang panagpares sa duha sa finale sa American Idol sa miaging adlaw.
Nakahipos usab og liboan ka hits sa YouTube ang video sa Holliday-Sanchez duet performance. (gikan sa wires)