GMA Network, nakilahok sa Habitat for Humanity Youth Build 2012

MANILA, Philippines - Bilang patotoo sa pagiging Kapuso, kamakailan ay nagtungo ang mga miyembro ng GMA Network employee-volunteer program, GMA G.I.V.E.S. (Guide, Interact, Volunteer, Educate, Serve) sa Barangay Tanza, Navotas City upang makibahagi sa Youth Build 2012 ng Habitat for Humanity (HFH) Philippines.

Bilang tugon sa tawag ng bayanihan spirit, nakiisa  ang GMA G.I.V.E.S. members sa 1,800 volunteers sa pagtatayo ng mga pader para sa mga tirahan ng 1,500 pamilyang nawalan ng masisilungan dahil sa pananalasa ng bagyong Pedring noong nakaraang taon.  

Kasama rin sa mga nag-volunteer sa HFH Youth Build sina Kapuso star Marvin Kiefer at Ms. World Philippines Second Princess at Ms. Kapuso World, Chloe McCulley. 

“By working together as one, we have fun in contributing in our own little way. We do not feel the exhaustion,” ani GMA G.I.V.E.S volunteer Jay Tañeda. 

Paliwanag naman ni Teresa Pacis, AVP ng GMA Corporate Affairs, “It is good for our employees to be able to live our corporate commitment to provide Serbisyong Totoo through volunteer activities like the Youth Build.”  

Ayon naman kay Fernando Zobel de Ayala, Chairman ng Habit for Humanity Capital Campaign, nagkaroon ng pagkakataon ang mga kabataan na makilahok sa paglutas ng malawakang problema sa bansa, maging sa buong Asya. 

“We all need to be involved in the future of our country to help our fellow Filipinos,” ani Ayala.

Kasama ng HFH Philippines ang Navotas Local Government pati na ang iba’t ibang non-government organizations.  

Pinapangunahan nina Mayor John Rey Tiangco at Rep. Toby Tiangco ang housing program sa Navotas na nakapaloob sa Navotas Socialized Housing Project.  “The spirit of bayanihan is still alive and there is hope for a brighter future for our countrymen,” ani Mayor Tiangco.