Manila, Philippines --- Naka-taping na si Roxanne Guinoo sa Daddy Dearest, busa murag mahinayon siya sa maong soap bisan og mabdos siya.
Ang plano unta sa GMA 7 mao nga patas-an ang partisipasyon niya sa bag-ong telefantasya sa GMA 7, pero wala pay hukom kun mahinayon ba siya sanglit mabdos na pud.
Namahayag matud pa si Roxanne, nga bisag mabdos pa siya mahimo gihapon siyang mutrabaho. Wala pay hukom ang GMA-7.
Iwa ug Pampi Lacson na pud
Dili pa lang dugay nag-emote si Iwa Moto pinaagi sa iyang Twitter account sa panagbuwag nila ni Leandro Munoz.
Pero pila lang ka semana ang milabay, malipayon ug inspired na pud siya. Ang latest mao nga si Pampi Lacson na pud ang nalambigit kang Iwa ug makita pud sa Twitter account niya unsa siya ka-inspired. May mga litrato si Iwa kauban si Pampi ug ang anak niini ug daw sweet ang duruha.