Manila, Philippines --- Makalingaw ang Penshoppe ug Bench kay naglumbaanay gyud pagkuha og international endorser. Kung may bag-ong endorser ang Bench dili gyud magpauwahi ang Penshoppe and vice versa. Nia sa nasud karon si Ian Somerhalder sa The Vampire Diaries ug Lost (una niyang gihimo) kay siya maoy bag-ong foreign endorser sa Penshoppe. Nakahinumdum na lang mi ni Pauleen Luna nga labihan ang crush kang Ian, hasta pud sila si Rachelle Ann Go ug Janine Gutierrez. Wala nagpauwahi ang Bench kay gikuha nila si Joe Jonas sa Jonas Brothers ug nakauna pa sila pagmantala og print ad. Wala pa lang hinuoy balita kung kanus-a dad-on ni Mr. Ben Chan si Joe Jonas dinhi sa nasud.
Game ‘N Go kada Sunday
Tinuod ang balitang weekly na lang ang game show nga Game ‘N Go sa TV5, diin sila si Edu Manzano ug Joey de Leon na ang hosts. Walay balita kung apil pa ba sa game show sila si Gelli de Belen, Arnell Ignacio ug uban pang na-press release nga makauban ni Edu.
Every Sunday lunch time ang time slot sa Game N’ Go , buot pasabot, ang game show maoy iatbang sa TV5 sa ASAP sa ABS-CBN ug Party Pilipinas sa GMA-7.