Baha sa mga gwapo ug gwapa sa Paraiso

Mao na ni all over the world! It’s a beautiful Sunday Morning gumikan kay nagkauban napud kita para sa usa ka hugyaw nga BisChika. As promised, ikaduhang hugna para sa atong Kapuso Weekend in Boracay escapade ang akong ipaambit kaninyo pero karung buntaga inyo kining makit-an sa inyong mga telebisyon sa GMA 7 alas otso y medya sa Let’s fiesta! Sa ikaduhang adlaw sa among pag-stay sa Boracay, sayo sa kabuntagon usa ka tugnaw nga Boracay ang nisugat kanamo gumikan sa uwan, ang beautiful nga si Bianca King nga sayo usab nagbabag na para sa iyang Yoga nga gipahigayon sa hapon ug gitawag na kini og sunset yoga. Ang inyong Yur’s truly nilafang nalang while waiting sa ubang mga artista, nag-feeling close dayon ko ni Bela Padilla kay ni lenggua man kini nako og, “ Yuri tabi tayong kumain.” Hala uy naikog ko kay ang akong gikaon bukid ang dating sa akong plato sa kadaghan ug si Bela gatas lang ug flakes. Hahahahahaha!

Tuod man, sa ikaduhang adlaw gisugdan kini og beach volleyball diin nag-exhibition game ang mga varsities nga gikan sa Ilo-ilo City. Niduwa dayon ang mga Kapuso stars nga game kaayo sa duwang volleyball. Nilugwa si Dingdong Dantes nga wala ko magdahom nga siya pa mismo ang ni-una og “ Yuri kumusta na?“ Wala nako napugngi ang akong kaugalingon nga nag-feeling Marian Rivera, may I hug gyud dayon kong Dingdong! Hahahahaha! Kung sa niaging semana gi-career nila ang obstacle course mas na pressure ang mga Kapuso stars mao nga career kung career na ang mga beach games. Na Hugyaw ko sa dihang tagsa tagsa na usab nag-two piece ang uban pang Kapuso stars nga mga babaye, wala nako’y mahimo kung dili ang magpakahilum lang sa daplin kay ang mga male Kapuso stars nag-topless na. Naa usab duwa sa mga bata sama sa pinyata ug palosebo nga lingaw kaayo! Bisan og nahurot na ang akong tingog gibuhat nako ang tanan nga duna pa’y mugawas para sa ikaduhang Kapuso Night. Maayo nalang nga naa pa gyud pero mailhan gyud nimo nga napagaw nako. Na touched ko ni Victor Aliwalas nga niingon nako nga “Yuri kawawa ka naman, wala ka nang boses” ug didto na nagsugod ang among mga BisChika. Hugyaw ang maong Kapuso Night kay ga birthday man si Dennis Trillo, si Bianca King gyud ang nagbitbit sa iyang birthday cake with matching message pa. O di ba Hugyaw?

Pag uli nako padung sa Cebu nga sayo kaayo ang akong flight wala gyud ko nakahigayon intawon og chillax, di parehas sa uban nakong mga kauban sa laing region. Unsaon man lagi nga akong gisunod ang sugo sa akong lawas nga mo beauty rest. Close na gyud mi ni Bela Padilla kay sa airport nga wala ko nag-expect nga manguli napud sila si Bela ni beso beso. Si Jolina nga akong pagtu-o niuna na og uli naa pa diay siya pero wala na’y tingog kay sa unang adlaw namo sa hosting nahurot na. Na Hugyaw ko light nilang Isabelle Daza ug Solenn Heussaff kay mubo kaayo og short nga halos na klaro na ang di angay maklaro pero limpyo raman pud. Hahahahahhaha!

Ang unang Kapuso Weekend sa Boracay usa kini ka dakong success! Dili lang kini dakong panagtapok sa mga dagkong artista apan usa pud kini ka tabang nga ang GMA Network nagpakabana sa kinaiyahan ug tabang sa usa ka paraiso nga mao ang Boracay! Sa mga nisalmot daghang salamat kaninyong tanan.

To view more pictures and videos of John’s travel all over Pilipinas I – like lang ninyo ang Let’s Fiesta sa Facebook! Ug para sa mga latest GMA Regional Events and Activities, I- Follow lang mi sa Twitter@ GMAREGIONAL TV.